Raipur : मुख्यमंत्री सहरी स्लम स्वास्थ्य योजना ले अब तक 33.21 लाख ले जादा मनखे मन के मुफत इलाज

जय जोहार । (Raipur ) मुख्यमंत्री सहरी स्लम स्वास्थ्य योजना के माध्यम ले अब तक 33 लाख ले जादा मनखे मन के इलाज मोबाइल मेडिकल यूनिट के चिकित्सा दल डहार ले स्लम बस्ती म पहुंचके करे गेहे । ए योजना के तहत अब पूरा राज्य के नगरीय क्षेत्र के स्लम बस्ती म चिकित्सक, पैरामेडिकल टीम, मेडिकल उपकरण अउ दवा ले लैस 120 मोबाइल मेडिकल यूनिट पहुंचके मनखे मन ल स्वास्थ्य सुविधा उपलब्ध करावत हे ।

ए योजना के माध्यम ले अब तक 7 लाख 24 हजार 855 मरीज ल पैथालॉजी टेस्ट के सुविधा मुहैया कराय के संग 27 लाख 65 हजार 188 ले जादा मरीज मन ल मुफत दवा दे गेहे। योजना के तहत लाभान्वित मरीु मन म दो लाख 54 हजार 578 श्रमिक घलो हे ।

छत्तीसगढ़ सासन के नगरीय प्रसासन अउ विकास विभाग डहार ले संचालित मुख्यमंत्री सहरी स्लम स्वास्थ्य योजना के तहत अब तक राज्य के 169 नगरीय निकाय के स्लम बस्ती म 45 हजार 111 कैम्प लगाके मनखे मन के मुफत जांच अउ उपचार कर दवाई दे गेहे ।