जय जोहार। छत्तीसगढ़ (chhattisgarh ) सासन ह प्रदेस के आठ ठीन सिंचाई परियोजना बर 25 करोड़ 57 लाख 13 हजार रुपिया स्वीकृत करे हे । ए योजना के पूरा होय ले किसान मन ल पांच हजार 595 हेक्टेयर क्षेत्र म सिंचाई के सुविधा मिल सकही । स्वीकृत सिंचाई योजना म दुर्ग जिला के विकासखण्ड-धमधा के तांदुला परियोजना अंतर्गत खासाडीह माईनर के जीर्णोद्धार अउ लाईनिंग काम बर 2 करोड़ 97 लाख 1 हजार रुपिया स्वीकृत करे गेहे । ए योजना के पूरा होय ले 274 हेक्टेयर क्षेत्र म सिंचाई सुविधा मिल सकही।
विकासखण्ड-धमधा के ग्राम हिर्री के तीर नाला म स्टापडेम कम रपटा निर्माण बर 3 करोड़ 57 लाख 48 हजार रुपिया स्वीकृत करे गेहे । ए योजना के पूरा होय ले 20 हेक्टेयर क्षेत्र म सिंचाई के सुविधा मिल सकही। विकासखण्ड धमधा के तांदुला परियोजना अंतर्गत बानबरद अहेरी माईनर के जीर्णोद्धार अउ लाईनिंग काम बर 3 करोड़ 19 लाख 85 हजार रुपिया स्वीकृत करे गेहे। ए योजना के पूरा होय ले 379 हेक्टेयर क्षेत्र म सिंचाई के सुविधा मिल सकही।
विकासखण्ड दुर्ग की बोरई जलासय के जीर्णोद्धार अउ नहर लाईनिंग काम बर 2 करोड़ 29 लाख 42 हजार रुपिया स्वीकृत करे गेहे। ए योजना के पूरा होय ले 101 हेक्टेयर क्षेत्र म सिंचाई सुविधा मिल सकही। विकासखण्ड दुर्ग के नगपुरा व्यपवर्तन के माईनर नहर लाईनिंग काम बर 3 करोड़ 27 लाख 81 हजार रुपिया स्वीकृत करे गेहे। ए योजना के पूरा होय ले 204 हेक्टेयर क्षेत्र म सिंचाई सुविधा मिल सकही।
विकासखण्ड दुर्ग के खपरी मुख्य नहर रिमाडलिंग अउ नहर लाईनिंग काम बर 1 करोड़ 44 लाख 58 हजार रुपिया स्वीकृत करे गेहे। ए योजना के पूरा होय ले 4617 हेक्टेयर क्षेत्र म सिंचाई के सुविधा मिल सकही। विकासखण्ड पाटन के खारून नदी म बोरेन्दा के समीप तटबंध निर्माण बर 3 करोड़ 93 लाख 81 हजार रुपिया स्वीकृत करे गेहे। विकासखण्ड पाटन के खारून नदी म कौही के तीर तटबंध निर्माण काम बर 4 करोड़ 87 लाख 22 हजार रुपिया स्वीकृत करे गेहे।
