CM Bhupesh Baghel ह बसना म करीन 64 करोड़ 13 लाख रुपिया के विकास काम के भूमिपूजन अउ लोकार्पण

जय जोहार । सीएम भूपेश बघेल (CM Bhupesh Baghel) ह आज बसना विधानसभा क्षेत्र म 64 करोड़ 13 लाख 92 हजार रुपिया के विकास काम के लोकार्पण अउ भूमिपूजन करीन । एमा 32 करोड़ 64 लाख 09 हजार रुपिया के 37 ठीन विकास काम के भूमिपूजन अउ 32 करोड़ 59 लाख 83 हजार रुपिया के 23 ठीन काम के लोकार्पण सामिल हे।

भूमिपूजन म नवा सड़क निर्माण, पुल-पुलिया अउ महाविद्यालय म अतिरिक्त कक्ष निर्माण आदि काम सामिल हे । लोकार्पण काम म स्कूल भवन निर्माण, आहता निर्माण, सांस्कृतिक भवन निर्माण, सी.सी. रोड, सामुदायिक भवन निर्माण आदि सामिल हे ।

सीएम भूपेश बघेल (CM Bhupesh Baghel) ह अपन प्रदेस व्यापी भेंट-मुलाकात कार्यक्रम के दउरान आज महासमुंद जिला के बसना विधासनसभा क्षेत्र के दउरा म रिहीन । वोहा बसना के ग्राम पिरदा अउ ग्राम गोपालपुर म आम जनता ले भेंट मुलाकात करीन अउ राज्य सासन के योजना के क्रियान्वयन के जानकारी लीन।