Raipur : नगरीय प्रसासन मंत्री ह गांधी-नेहरू उद्यान म पुष्प अउ फल, सब्जी के करीन अवलोकन

जय जोहार । ( Raipur ) नगरीय प्रसासन मंत्री डॉ. शिवकुमार डहरिया ह आज रायपुर के गांधी-नेहरू उद्यान म आयोजित तीन दिन के पुष्प, फल, सब्जी प्रदर्सनी के अवलोकन करीन ए अवसर म ओखर संग मुख्यमंत्री के सलाहकार विनोद वर्मा अउ प्रकृति के ओर सोसायटी के अध्यक्ष दलजीत सिंह बग्गा समेत सोसायटी के पदाधिकारी अउ सदस्य घलो मौजूद रिहीन ।

गौरतलब हे कि ए प्रदर्सनी के आयोजन प्रकृति के ओर सोसायटी रायपुर डहार ले करे गेहे । एमा उद्यानिकी विभाग इंदिरा गांधी कृषि विश्वविद्यालय, जिंदल स्टील एंड पावर लिमिटेड, रायपुर नगर निगम के सहयोग ले करे गेहे । प्रदर्सनी म विभिन्न स्टाल म रंग-बिरंगे पुष्प, फल, सब्जी अउ औषधीय पौधा के मनोहारी प्रदर्सनी लगाए गेहे ।