![chhattisgarh के किसान मन ल विकासखंड स्तर म मिलही मौसम का सटीक पूर्वानुमान, कृषि विश्वविद्यालय म 10 करोड़ रुपिया के लागत ले डॉप्लर राडार होही स्थापित cg 3](https://jayjohar.com/wp-content/uploads/2023/01/cg-3.jpg)
chhattisgarh के किसान मन ल विकासखंड स्तर म मिलही मौसम का सटीक पूर्वानुमान, कृषि विश्वविद्यालय म 10 करोड़ रुपिया के लागत ले डॉप्लर राडार होही स्थापित
जय जोहार। (chhattisgarh) छत्तीसगढ़ के किसान मन ल नवा बछर म एक ठीन नवा सौगात मिलने जावत हे । किसान मन ल विकासखण्ड स्तर म मौसम के सटीक पूर्वानुमान प्राप्त होही, जेखर ले किसान ह अपन फसल ल मौसम के अनिश्चित्ता ले रक्षा करे म सक्षम होही ।
इंदिरा गांधी कृषि विश्वविद्यालय रायपुर परिसर म जलदीच ही मौसम के सटीक पूर्वानुमान दे बर लगभग 10 करोड़ रुपिया के लागत ले डॉप्लर राडार के स्थापना करे जाही । इंदिरा गांधी कृषि विश्वविद्यालय रायपुर के कुलपति डॉ. गिरीश चंदेल के अध्यक्षता म इंदिरा गांधी कृषि विश्वविद्यालय अउ भारत मौसम विज्ञान मंत्रालय, नई दिल्ली के मध्य डॉप्लर राडार के स्थापना बर एक अनुबंध करे गीन । एखर तहत डॉप्लर राडार के स्थापना बर इंदिरा गांधी कृषि विश्वविद्यालय डहार ले आवश्यक भूमि उपलब्ध कराए जाही। एखर स्थापना के लागत अउ परिचालन व्यय भारत मौसम विज्ञान मंत्रालय डहार ले वहन करे जाही ।
समझौता ज्ञापन म इंदिरा गांधी कृषि विश्वविद्यालय के संचालक अनुसंधान सेवा डॉ. वी.के. त्रिपाठी अउ भारत मौसम विज्ञान विभाग के उप महानिदेशक डॉ. एम.एल. साहू ह हस्ताक्षर करीन । गौरतलब हे कि मुख्यमंत्री भूपेश बघेल के नेतृत्व म राज्य सरकार के किसान हितैषी नीति अउ फइसला के किसान काफी समृद्ध होए हे । ए दिसा म पहल करत हुए राज्य सरकार ह किसान मन ल एक ठीन अउ नवा सौगात दे ल जावत हे ।