![Godhan Nyay Yojana : सीएम ह करीन हितग्राही मन के खाता में 7.05 करोड़ रुपिया के रासि अंतरित cm 9](https://jayjohar.com/wp-content/uploads/2023/01/cm-9.jpg)
Godhan Nyay Yojana : सीएम ह करीन हितग्राही मन के खाता में 7.05 करोड़ रुपिया के रासि अंतरित
जय जोहार । (Godhan Nyay Yojana) सीएम भूपेश बघेल ह किहीन कि गौठान म सोलर ड्रायर उपलब्ध कराए जाही । धमधा अउ पत्थलगांव म टमाटर के बड़का पैमाना म उत्पादन ल देखत हुए ए क्षेत्र के गौठान म टमाटर ल सूखा के विक्रय के काम प्रारंभ करे जा सकत हे। अइसने अन्य स्थान म छत्तीसगढ़ के भाजी ल सूखाके ओखर विक्रय के सुरुवात करे जा सकत हे । ए नवा काम ले घलो किसान अउ समूहों के आय बढ़ही । मुख्यमंत्री ह आज अपन निवास कार्यालय म गोधन न्याय योजना के हितग्राही मन ल रासि के ऑनलाईन अंतरण बर आयोजित वर्चुअल कार्यक्रम ल सम्बोधित करत रिहीन ।
(Godhan Nyay Yojana) मुख्यमंत्री श्री बघेल ह कार्यक्रम म गौपालक, गोबर विक्रेता, गौठान समिति अउ महिला स्व-सहायता समूह ल 7 करोड़ 05 लाख रुपिया के रासि के अंतरण करीन । वो हा 16 दिसम्बर ले 31 दिसम्बर तक गौठान म पशुपालक ग्रामीण, किसान, भूमिहीन मन ले ख़रीदे 2.29 लाख क्विंटल गोबर के एवज म ओखर खाता म 4 करोड़ 59 लाख रुपिया, गौठान समिति ल 1.46 करोड़ रुपिया अउ महिला समूह के खाता म 01 करोड़ रुपिया के लाभांस रासि अंतरित करीन ।
ए अवसर म कृषि मंत्री रविन्द्र चौबे, मुख्यमंत्री के सलाहकार प्रदीप शर्मा, छत्तीसगढ़ खनिज विकास निगम के अध्यक्ष गिरीश देवांगन, मुख्य सचिव अमिताभ जैन, कृषि उत्पादन आयुक्त डॉ. कमलप्रीत सिंह उपस्थित रिहीन ।