CM Bhupesh Baghel ह करीन गौठान समिति के अध्यक्ष ल सम्मानित, पढ़व

जय जोहार। (CM Bhupesh Baghel ) छत्तीसगढ़ सासन डहार ले संचालित गोधन न्याय योजना के अंतर्गत चारामा विकासखण्ड के ग्राम सराधुनवागांव के गौठान म गोबर के खरीदी करे जात हे। ओखर ले वर्मी कम्पोस्ट के निर्माण करे जात हे। एखर आलावा ए गौठान म नवाचार करत हुए गोबर ले प्राकृतिक पेंट के निर्माण करे जात हे, जेखर बर प्रदेस के मुख्यमंत्री भूपेश बघेल ह रविवार के रायपुर म कार्यक्रम म गौठान समिति के अध्यक्ष सरजू राम नरेटी ल सम्मानित करीन।

उल्लेखनीय हे कि सराधुनवागांव के गौठान म गोबर ले 5009 लीटर प्राकृतिक पेंट के निर्माण करे जा चुके हे, जेखर विक्रय करे जात हे। वर्तमान म ए गौठान म 2696 लीटर प्राकृतिक पेंट उपलब्ध हे । गौठान म अब तक 05 लाख 01 हजार 514 रुपिया के 2507.57 क्विंटल के गोबर खरीदी करे गेहे, जेखर ले 6 लाख 72 हजार 250 रुपिया के 672.25 क्विंटल वर्मी कम्पोस्ट तईयार करे गेहे । एमा ले 05 लाख 16 हजार 850 रुपिया के 516.85 क्विंटल वर्मी कम्पोस्ट के विक्रय घलो करे जा चुके हे ।

सीएम भूपेश बघेल (CM Bhupesh Baghel ) ले सम्मानित गौठान समिति के अध्यक्ष सरजूराम नरेटी ह किहीन कि छत्तीसगढ़ सरकार ह गौठान के माध्यम ले किसान मन के आर्थिक संबलता बर दूरगामी निर्णय लीन, जेखर लाभ सबो ल मिलत हे। गोबर खरीदी, वर्मी कम्पोस्ट के बाद गोबर पेंट ले मनखे मन ल अच्छा रोजगार मिलत हे अउ अवइया दिन म अउ घलो बेहतर परिणाम देखे ल मिलही ।