![Raipur : नगरीय प्रसासन मंत्री ह जरौद म करीब 1.33 करोड़ रुपिया के विकास काम के दीन सौगात, पढ़व ddd 3](https://jayjohar.com/wp-content/uploads/2023/01/ddd-3.jpg)
Raipur : नगरीय प्रसासन मंत्री ह जरौद म करीब 1.33 करोड़ रुपिया के विकास काम के दीन सौगात, पढ़व
जय जोहार। नगरीय प्रसासन अउ श्रम मंत्री डॉ. शिवकुमार डहरिया ह बुधवार के रायपुर जिला के आरंग क्षेत्र म विभिन्न कार्यक्रम म सामिल होइन । मंत्री डॉ. डहरिया ह ग्राम जरौद (उमरिया) म लगभग 1 करोड़ 33 लाख रुपिया के विकास काम के सौगात दीन। डॉ. डहरिया ह ग्राम जरौद म आयोजित मड़ई मेला म ग्रामीण मन के संग भ्रमण करीन।
नगरीय प्रसासन मंत्री डॉ. डहरिया ह जरौद उमरिया म जल जीवन मिशन के तहत एक करोड़ 14 लाख 81 हजार रुपिया ले निर्मित करे जवइया पानी टंकी अउ पाइप लाइन के भूमिपूजन करीन। संगेसंग गांव के महिला स्व-सहायता समूह के महिला मन बर सामुदायिक भवन के लोकार्पण करीन। कार्यक्रम म मंत्री डॉ. डहरिया ह गांव म दू रिहीन सीसी सड़क बनाय ल 10 लाख रुपिया अउ रंगमंच के काम बर पांच लाख रुपिया प्रदान करे के घोसना घलो करीन।
मंत्री डॉ. डहरिया ह कार्यक्रम म किहीन कि आरंग क्षेत्र के सबो गांव म ग्रामीण मन के सुविधा बर स्कूल, सामुदायिक भवन, आंगनबाड़ी, स्वास्थ केंद्र, सड़क समेत सभी जरूरी काम कराए गेहे । वोहा किहीन कि आगू अवइया बेरा म घलो ग्रामीण मन के सुविधा के अउ सबो जरूरी काम कराए जाही। कार्यक्रम के दउरान जनपद पंचायत आरंग के अध्यक्ष खिलेश देवांगन, सरपंच रमनीत सालीक डहरिया, कोमल साहू, ओमप्रकाश यादव, माखन कुर्रे सहित पंचायत प्रतिनिधि अउ ग्रामीण उपस्थित रिहीन ।