जय जोहार। सीएम भूपेश बघेल (CM Bhupesh Baghel ) ह अपन प्रदेस व्यापी भेंट-मुलाकात के तहत आज रायपुर जिला के धरसींवा विधानसभा क्षेत्र के ग्राम माठ अउ चरौदा म भेंट-मुलाकात करही। सीएम ह धरसींवा म संझा विभिन्न जनप्रतिनिधि मंडल ले घलो भेंट करही । ए दउरान सीएम ह तरपोंगी म आयोजित छत्तीसगढ़ मनवा कुर्मी क्षत्रिय समाज के राज अधिवेसन म सामिल होही ।
सीएम भूपेस बघेल (CM Bhupesh Baghel ) निर्धारित दउरा कार्यक्रम के तहत 22 जनवरी के पूर्वान्ह 11.30 बजे पुलिस ग्राउण्ड हेलीपेड रायपुर ले हेलीकॉप्टर डहार ले प्रस्थान करही अउ 11.45 बजे विधानसभा क्षेत्र धरसींवा के ग्राम माठ पहुंचही, उंहा ग्रामीण मन ले भेंट-मुलाकात करही। एखर बाद सीएम ह माठ ले मंझनिया 1.05 बजे हेलीकॉप्टर ले प्रस्थान कर 1.20 बजे ग्राम तरपोंगी पहुंचही, उंहा सासकीय उच्चतर माध्यमिक विद्यालय तरपोंगी के प्रागंण म छत्तीसगढ़ मनवा कुर्मी क्षत्रिय समाज के आयोजित राज अधिवेसन म सामिल होही।
सीएम भूपेश बघेल (CM Bhupesh Baghel ) ह ग्राम तरपोंगी ले मंझनिया 2.20 बजे कार डहार ले प्रस्थान कर धरसींवा पहुंचेही, इंहा मंझनिया 2.30 बजे धरसींवा के बस स्टैण्ड तिराहा म स्वर्गीय योगेन्द्र शर्मा के प्रतिमा के अनावरण करही । एखर बाद सीएम ह मंझनिया 2.40 बजे धरसींवा ले कार ले प्रस्थान कर 2.45 बजे ग्राम चरौदा पहुंचही। इंहा 3.20 बजे ले ग्रामीण मन ले भेंट-मुलाकात करही । मुख्यमंत्री ह चरौरा के बाद अपरान्ह 4.25 बजे धरसींवा पहुंचही, उंहा संझा 5 बजे ले विभिन्न जनप्रतिनिधि मंडल ले भेंट करही । एखर बाद मुख्यमंत्री ह रात्रि 7 बजे धरसींवा ले कार डहार ले रायपुर बर प्रस्थान करही ।
Other Articles
CM Bhupesh Baghel ह अमर शहीद हेमू कालाणी के शहादत दिवस म करीन नमन
