CM Bhupesh Baghel ह धरसींवा म शहीद स्मारक उद्यान के करीन लोकार्पण

जय जोहार। सीएम भूपेश बघेल (CM Bhupesh Baghel) ह आज धरसींवा म झीरम घाटी के शहीद के प्रतिमा के अनावरण करते हुए शहीद स्मारक उद्यान के लोकार्पण करीन ।

झीरम म हुए नक्सली हमला म अपन जान गंवइया शहीद विद्याचरण शुक्ल, शहीद नंद कुमार पटेल, शहीद महेन्द्र कर्मा, शहीद योगेन्द्र शर्मा, शहीद उदय मुदलियार अउ शहीद प्रफुल्ल शुक्ला के प्रतिमा ल शहीद स्मारक उद्यान म स्थापित करे गेहे ।

शहीद के प्रतिमा के अनावरण के बाद मुख्यमंत्री ह सबो शहीद ल अपन भावभीनी श्रद्धांजलि अर्पित करीन । मुख्यमंत्री ह छत्तीसगढ़ के विकास म सबो शहीद जनप्रतिनिधि के योगदान अतुलनीय करार देत हुए किहीन कि ये अमर शहीद प्रदेश वासी मन के दिल म सदैव जीवित रही।