CM Bhupesh Baghel ह करीन नवा रायपुर म विश्व स्तरीय कबीर संस्थान के निर्माण के घोसना

जय जोहार। मुख्यमंत्री भूपेश बघेल (CM Bhupesh Baghel) ह आज खरसिया म पंथश्री हुजूर मुकुंदमणिनाम साहेब स्मृति महोत्सव अउ एकोत्तरी चौका आरती महायज्ञ म सामिल होइन । ए मउका म मुख्यमंत्री भूपेश बघेल ह नवा रायपुर म विश्व स्तरीय कबीर संस्थान के निर्माण के घोसना करीन। वोहा किहीन कि हमन एक अइसे संस्थान के निर्माण करबो, जिहां एक ही स्थान म कबीर स्मारक के संग संग्रहालय अउ शोध पीठ घलो होही।

कार्यक्रम ह कबीर पंथ के गुरु पं श्री हुजूर अर्धनाम साहेब जी, आचार्य, श्री कबीर धर्म स्थान ट्रस्ट खरसिया व श्री धर्माधिकारी साहेब की उपस्थिति में संपन्न हुआ। कार्यक्रम में विधानसभा अध्यक्ष चरणदास महंत, गृह मंत्री ताम्रध्वज साहू, उच्च शिक्षामंत्री उमेश पटेल, विधायक डोंगरगांव दलेश्वर साहू, संदीप साहू, अध्यक्ष तेलघानी बोर्ड घलो सम्मिलित होइन ।

मुख्यमंत्री भूपेश बघेल ह किहीन कि कबीर साहेब ह आज ले 600 बछर पहिले जेन सीख दीन हे, वे आज घलो उतना ही प्रासंगिक अउ समाज ल दिसा दिखाय वाला हे,एखर सेती आज ओखर मनइया देस -विदेस म फैले हे। वोहा बताइन कि गुरु के हमर जिनगी म ईश्वर के समकक्ष स्थान होत हे। कबीरदास जी ह समाज के पाखंड अउ विकृति ल अपन वाणी ले दूर करे के काम करीन अउ सरल जिनगी व्यतीत करे के राह दिखाईन । छत्तीसगढ़ म कबीर ल मनइया बड़का संख्या म हे । वोहा समाज के अंतिम व्यक्ति तक सबो ल संग लेके चले के सीख दीन ।