![Godhan Nyay Yojana: सीएम ह हितग्राही मन ल करीन 8.23 करोड़ के रकम ऑनलाईन अंतरित cm 4 e1675677588376](https://jayjohar.com/wp-content/uploads/2023/02/cm-4-e1675677588376.jpg)
Godhan Nyay Yojana: सीएम ह हितग्राही मन ल करीन 8.23 करोड़ के रकम ऑनलाईन अंतरित
जय जोहार। (Godhan Nyay Yojana) सीएम भूपेश बघेल ह किहीन कि ग्रामीण क्षेत्र म रोजगार अउ स्वरोजगार के अवसर म वृद्धि बर नवा उद्योग नीति के तर्ज म जल्दीच ही ग्रामीण उद्योग नीति बनाय के प्रक्रिया ल सुरू करे जाए। सीएम श्री बघेल ह आज अपन निवास कार्यालय म आयोजित कार्यक्रम म पशुपालक ग्रामीण, गौठान ले जुड़े महिला समूह अउ गौठान समिति ल गोबर क्रय अउ लाभांस रासि के ऑनलाईन वितरण कार्यक्रम ल संबोधित करत रिहीन । वोहा कार्यक्रय म 8 करोड़ 23 लाख रुपिया के रासि ऑनलाइन जारी करीन ।
मुख्यमंत्री ह किहीन कि 8.23 करोड़ रुपिया के भुगतान के बाद ये आंकड़ा 403 करोड़ 58 लाख रुपिया हो जाही । अइसने गोबर विक्रेता ल 4.76 करोड़ रुपिया के भुगतान के बाद ये आंकड़ा 206 करोड़ 49 लाख रुपिया हो जाही । वोहा गोबर ले बिजली उत्पादन बर सुरू करे गे बिजली यूनिट म खुसी जाहिर करत हुए ए यूनिट ले उत्पादित बिजली ल पॉवर ग्रिड ले जोड़े अउ बिजली के कीमत तय करे के निर्देस देहे।
ए अवसर म मुख्यमंत्री के सलाहकार प्रदीप शर्मा, मुख्य सचिव अमिताभ जैन, अपर मुख्य सचिव सुब्रत साहू, सचिव डॉ. अयाज तंबोली, राज्य ग्रामीण आजीवीका मिशन के संचालक अवनीश शरण, कृषि विभाग की संचालक रानू साहू, उद्यानिकी विभाग के संचालक माथेस्वरन वी. उपस्थित रिहीन ।