Raipur : कुदरिया बहरा नाला बर मिलीन 3.97 करोड़ रुपिया के स्वीकृति
जय जोहार। छत्तीसगढ़ सासन ह सरगुजा जिला के विकासखण्ड अम्बिकापुर कुदरिया बहरा नाला म स्टापडेम निर्माण बर 3 करोड़ 97 लाख 51 हजार रुपिया स्वीकृत करे हे । ए स्टापडेम निर्माण ले निस्तारी, पेयजल, भू-जल संवर्धन अउ किसान बर 30 हेक्टेयर क्षेत्र म सिंचाई सुविधा प्रस्तावित हे।
मानिकचौरी नहर उन्नयन बर 3.93 करोड़ के प्रसासकीय स्वीकृति
छत्तीसगढ़ सासन के जलसंसाधन विभाग मंत्रालय डहार ले बिलासपुर जिला के खारंग जलासय के मानिकचौरी वितरक नहर के उन्नयन अउ नवीनीकरण बर 3 करोड़ 93 लाख 32 हजार रुपिया के प्रसासकीय स्वीकृति ल मुख्य अभियंता हसदेव कछार बिलासपुर ल प्रदान करे गेहे । ए नहर के उन्नयन अउ नवीनीकरण ले ए योजना के सिंचाई क्षमता म 833 हेक्टेयर के कमी ल पूरा कर कुल 3916 हेक्टेयर म सिंचाई बर जलापूर्ति करे जा सकही ।
टेसुवा नाला म एनीकट निर्माण बर मिले हे 3.74 करोड़ के स्वीकृति
छत्तीसगढ़ सासन के जलसंसाधन विभाग मंत्रालय डहार ले मुंगेली जिला के टेसुवा नाला म ग्राम घुठेली के तीर एनीकट निर्माण बर 3 करोड़ 74 लाख 42 रुपिया के पुनरीक्षित प्रसासकीय स्वीकृति ल मुख्य अभियंता हसदेव कछार बिलासपुर ल प्रदान करे गेहे । ए एनीकट के निर्माण ले पेयजल, निस्तार अउ भूजल संवर्धन के संगेसंग किसान ल स्वयं के साधन ले 120 हेक्टेयर क्षेत्र म सिंचाई बर जल उपलब्ध हो सकही ।
