CM Bhupesh Baghel ह आरंग विधानसभा क्षेत्र म 86 करोड़ 66 लाख रुपिया के विकास काम के करीन लोकार्पण अउ भूमिपूजन

जय जोहार। सीएम भूपेश बघेल (CM Bhupesh Baghel) ह भेंट-मुलाकात कार्यक्रम के दउरान आज रायपुर जिला के आरंग विधानसभा के क्षेत्र वासी मन ल विकास काम के सौगात दीन । मुख्यमंत्री ह आरंग विधानसभा क्षेत्र के अंतर्गत जिला म 86 करोड़ 66 लाख ले जादा के विकास काम के लोकार्पण अउ भूमिपूजन करीन । एमा 36 करोड़ 29 लाख 90 हजार रुपिया के 24 ठीन विकास काम के भूमिपूजन अउ 50 करोड़ 36 लाख 20 हजार रुपिया के 23 ठीन विकास काम के लोकार्पण सामिल हे ।

सीएम भूपेश बघेल (CM Bhupesh Baghel) ह जेन काम के लोकार्पण करे हे, ओमा जिला स्वास्थ्य विभाग रायपुर के भूमिपूजन बर 76.13 लाख रुपिया के 6 ठीन काम, अउ 55.76 लाख रुपिया के 2 ठीन काम, जल संसाधन विभाग के भूमिपूजन बर 1502.02 लाख रुपिया के 4 ठीन काम अउ 1835.501 लाख रुपिया के 6 ठीन काम, लोक स्वास्थ्य यांत्रिकी विभाग के भूमिपूजन बर 2027.88 लाख रुपिया के 13 ठीन काम अउ 2713. 58 लाख रुपिया के 9 ठीन काम, जल संसाधन विभाग जल प्रबंध संभाग – 1 के 415.94 लाख रुपिया के 2 ठीन काम सामिल हे।