CM Bhupesh Baghel ह करीन समाज अउ संगठन के प्रतिनिधिमंडल ले भेंट-मुलाकात, पढ़व

जय जोहार। सीएम भूपेश बघेल (CM Bhupesh Baghel) ह भेंट-मुलाकात के बाद आज संझा अभनपुर विश्राम भवन म समाज अउ संगठन के प्रतिनिधिमंडल ले भेंट-मुलाकात करीन । ए दउरान मुख्यमंत्री ह सबो समाज के प्रतिनिधि ले सामाजिक काम, मांग अउ स्थानीय समस्या के बारे म चर्चा करीन । मुख्यमंत्री ह सामाजिक प्रतिनिधि ले सासकीय योजना अउ कार्यक्रम के क्रियान्वयन के बारे म चर्चा कर फीडबैक लीन ।

मुख्यमंत्री भूपेश बघेल ले अभनपुर नगर पंचायत के जनप्रतिनिधि ह मुलाकात कर अभनपुर नगर पालिका घोसित करे जाय म ओखर गजमाला पहनाके आभार व्यक्त करीन। नेकी के कुटिया, सतनाम भवन के दिव्यांग लईका मन ह मुख्यमंत्री ले मुलाकात करीन । मुख्यमंत्री ले कसेर समाज के प्रतिनिधि ह मुलाकात कर नयापारा नगर म सामाजिक भवन बर रकम मंजूर करे के आग्रह करीन । मुख्यमंत्री ह प्रतिनिधिमंडल के आग्रह म 30 लाख रुपिया के स्वीकृति प्रदान करीन ।

अइसने छत्तीसगढ़ सोनकर समाज के सामाजिक भवन बर 25 लाख रुपिया, ढीमर समाज के सामाजिक भवन बर 25 लाख रुपिया, गोबरा नवापारा म कहार समाज के सामाजिक भवन बर 20 लाख रुपिया स्वीकृत करीन । मुख्यमंत्री डहार ले सतनामी समाज के सामुदायिक भवन तक आय-जाय बर सड़क कांक्रीटीकरण, कुर्मी समाज के सामाजिक भवन म बोर खनन के घलो स्वीकृति प्रदान करीन ।