CM Bhupesh Baghel ह डॉ. खूबचंद बघेल ल पुण्यतिथि म करीन नमन

जय जोहार। सीएम भूपेश बघेल (CM Bhupesh Baghel) ह छत्तीसगढ़ राज्य के स्वप्नदृष्टा, स्वतंत्रता संग्राम सेनानी अउ कृषक नेता डॉ. खूबचंद बघेल के 22 फरवरी के पुण्यतिथि म ओमन ल नमन करीन हे । मुख्यमंत्री ह डॉ. खूबचंद बघेल ल अपन विनम्र श्रद्धासुमन अर्पित करत हुए किहीन कि डॉ. खूबचंद बघेल ह अपन पूरा जिनगी समाज अउ किसान के कल्याण बर समर्पित कर दीन। वोहा सिक्षा, सहकारिता के क्षेत्र समेत कई सामाजिक आंदोलन म महत्वपूर्ण भूमिका निभाईन । भारतीय स्वतंत्रता संग्राम के दउरान खूबचंद जी ह छत्तीसगढ़ म राष्ट्रीय चेतना जागृत करे के महत्वपूर्ण काम करीन ।

मुख्यमंत्री ह किहीन कि छत्तीसगढ़ राज्य निर्माण बर करे गे संघर्ष म डॉ. खूबचंद बघेल के योगदान ल भुलाए नई जा सकत। ओखर कृतित्व अउ व्यक्तित्व के प्रति सम्मान प्रकट करत हुए चिकित्सा क्षेत्र म डॉ. खूबचंद बघेल स्वास्थ्य सहायता योजना सुरु करे गेहे , जेखर तहत 5 लाख रुपिया तक मुफत इलाज के व्यवस्था मरीज बार उपलब्ध करावाय जावत हे । छत्तीसगढ़ सरकार ह ओखर स्मृति म कृषि के क्षेत्र म महत्वपूर्ण उपलब्धि अउ अनुसंधान ल प्रोत्साहित करे बर डॉ. खूबचंद बघेल सम्मान स्थापित करे हे ।