CM Bhupesh Baghel ह राज्य स्तरीय महिला सम्मेलन के करीन सुभारंभ
जय जोहार। सीएम भूपेश बघेल (CM Bhupesh Baghel ) ह आज दीप प्रज्ज्वलन कर राज्य स्तरीय महिला सम्मेलन के सुभारंभ करीन । मुख्यमंत्री श्री बघेल ह बीटीआई ग्राउंड परिसर म स्व-सहायता समूह डहार ले निर्मित सामान के बिक्री बर आयोजित महिला मड़ई म लगाए गे स्टॉलों के भ्रमण कर ओखर उत्साहवर्धन करीन ।
ए दौरान मुख्यमंत्री ह उत्कृष्ट प्रदर्सन बर बिलासपुर, बालोद अउ नारायणपुर के सखी वन स्टॉप सेंटर ल सम्मानित करीन । वोहा उत्कृष्ट काम बर नवा बिहान योजना के महिला संरक्षण अधिकारी, पर्यवेक्षक ल घलो सम्मानित करे हे, मुख्यमंत्री ह महिला स्व सहायता समूह ल आर्थिक गतिविधि बर 3% ब्याज के दर म 4 लाख रुपिया के ऋण रासि के चेक वितरित करीन ।
ए अवसर म महिला अउ बाल विकास मंत्री अनिला भेंड़िया, संसदीय सचिव रश्मि आशीष सिंह, धरसींवा विधायक अनिता योगेन्द्र शर्मा, पंडरिया विधायक ममता चन्द्राकर, विधायक रायपुर उत्तर कुलदीप जुनेजा,छत्तीसगढ़ राज्य महिला आयोग की अध्यक्ष डॉ. किरणमयी नायक, छत्तीसगढ़ बाल अधिकार संरक्षण आयोग के अध्यक्ष श्रीमती तेजकुंवर नेताम, पूर्व सांसद छाया वर्मा, जिला पंचायत रायपुर के अध्यक्ष डोमेश्वरी वर्मा, नगर निगम रायपुर के महापौर एजाज ढेबर रिहीन ।
