Raipur : स्कूल शिक्षा विभाग ल मिले हे एमबिलियंथ अवार्ड, मुख्यमंत्री अउ स्कूल शिक्षा मंत्री ह दीन बधाई

जय जोहार । (Raipur) छत्तीसगढ़ म स्कूल शिक्षा के क्षेत्र म ‘निकलर एप्प’ डहार ले पढ़ाई कराय बर स्कूल शिक्षा विभाग ल एमबिलियंथ पुरस्कार ले नवाजे गेहे। छत्तीसगढ़ ल ये अवार्ड 6 मार्च के नई दिल्ली म आयोजित कार्यक्रम म प्रदान करे गेहे ।

मुख्यमंत्री भूपेश बघेल अउ स्कूल शिक्षा मंत्री डॉ. प्रेमसाय सिंह टेकाम ह शिक्षा के क्षेत्र म ए उपलब्धि बर प्रमुख सचिव स्कूल शिक्षा डॉ. आलोक शुक्ला, सचिव स्कूल शिक्षा डॉ. एस. भारतीदासन, संचालक लोक शिक्षण सुनील जैन, महाप्रबंधक समग्र शिक्षा नरेन्द्र दुग्गा, एन.आई.सी. रायपुर के वैज्ञानिक सोमशेखर अउ स्कूल शिक्षा विभाग के पूरा टीम ल बधाई दीन हे ।

मुख्यमंत्री भूपेश बघेल डहार ले 14 नवंबर 2022 के लांच करे गे सुघ्घर पढ़वैया कार्यक्रम म घलो स्कूल के आंकलन निकलर एप्प के माध्यम ले बड़ अकन कमती बेरा म करे जा सकही। एखर बर घलो शिक्षक ल तईयार करे जावत हे । गौरतलब हे कि साउथ एशिया म एमबिलियंथ अवार्ड मोबाइल के माध्यम ले आम जनता तक तकनीकी के उपयोग कर जीवन सुगम बनाय के दिशा म करे जावत नवाचार ल सम्मानित करत हे । जेखर शुरुआत 2010 ले करे गे रिहीन ।