Raipur : मठपुरैना शहरी प्राथमिक स्वास्थ्य केंद्र ल मिले हे राष्ट्रीय गुणवत्ता आश्वासन मानक प्रमाण-पत्र
जय जोहार। (Raipur) उत्कृष्ट स्वास्थ्य सेवा अउ मरीज ल बेहतर इलाज उपलब्ध कराए बर रायपुर के मठपुरैना शहरी प्राथमिक स्वास्थ्य केंद्र ल केन्द्रीय स्वास्थ्य मंत्रालय डहार ले राष्ट्रीय गुणवत्ता आश्वासन मानक प्रमाण-पत्र प्रदान करे गेहे । केन्द्रीय स्वास्थ्य मंत्रालय के टीम ह विगत दिसम्बर माह म ए यूपीएचसी के निरीक्षण कर मरीज बर उपलब्ध सेवा के गुणवत्ता के परीक्षण करे रिहीन ।
ए दउरान टीम ह ए संबंध म मरीज ले घलो फीडबैक ले रिहीन । स्वास्थ्य मंत्रालय के टीम के मूल्यांकन म मठपुरैना शहरी प्राथमिक स्वास्थ्य केंद्र ल 93 प्रतिशत अंक प्राप्त होए हे । केन्द्रीय स्वास्थ्य मंत्रालय के टीम ह मठपुरैना यूपीएचसी के निरीक्षण के दउरान ड्रेसिंग रूम अउ इमरजेंसी, टीकाकरण, संचारी रोग, आउटरीच, फॉर्मेसी, लैब, सामान्य प्रशासन, गैर-संचारी रोग, परिवार नियोजन, नवजात अउ शिशु स्वास्थ्य, मातृत्व स्वास्थ्य अउ जनरल क्लिनिक सेवा के मूल्यांकन करे रिहीन ।
उल्लेखनीय हे कि राष्ट्रीय गुणवत्ता आश्वासन मानक प्रमाण-पत्र प्रदान करे के पूर्व विशेषज्ञ के टीम डहार ले अस्पताल के सेवा अउ संतुष्टि स्तर के आठ ठन मानक म परीक्षण करे जात हे । एमा उपलब्ध सेवा, मरीज के अधिकार, इनपुट, सपोर्ट सर्विसेस, क्लिनिकल सर्विसेस, इन्फेक्शन कंट्रोल, गुणवत्ता प्रबंधन अउ आउटकम पैरामीटर सामिलहे । ए कड़ा मानक म खरा उतरइया अस्पताल ल ही केन्द्रीय स्वास्थ्य मंत्रालय डहार ले गुणवत्ता प्रमाण-पत्र जारी करे जात हे ।
