chhattisgarh के तीन ठन अउ अस्पताल ल मिले हे राष्ट्रीय गुणवत्ता आश्वासन मानक प्रमाण पत्र, पढ़व

जय जोहार । (chhattisgarh) उत्कृष्ट स्वास्थ्य सेवा अउ मरीज ल बेहतर इलाज उपलब्ध करइया राज्य के तीन ठन अउ स्वास्थ्य केन्द्र ल केन्द्रीय स्वास्थ्य अउ परिवार कल्याण मंत्रालय डहार ले राष्ट्रीय गुणवत्ता आश्वासन मानक प्रमाण-पत्र प्रदान करे गेहे। केन्द्रीय स्वास्थ्य मंत्रालय के टीम ह विगत फरवरी माह म ए तीन ठन अस्पताल के निरीक्षण करे रिहीन अउ मरीज बर उपलब्ध सेवा के गुणवत्ता के परीक्षण करे रिहीन। टीम ह ए संबंध म मरीज ले घलो फीडबैक ले रिहीन।

केन्द्रीय स्वास्थ्य मंत्रालय ह सरगुजा जिला के सीतापुर सामुदायिक स्वास्थ्य केंद्र, महासमुंद के कोमाखान प्राथमिक स्वास्थ्य केंद्र अउ कोरबा के गोपालपुर शहरी प्राथमिक स्वास्थ्य केंद्र ल राष्ट्रीय गुणवत्ता आश्वासन मानक प्रमाण पत्र ले नवाजे हे । स्वास्थ्य मंत्रालय के टीम के मूल्यांकन म गोपालपुर शहरी प्राथमिक स्वास्थ्य केंद्र ल 89 प्रतिशत, कोमाखान प्राथमिक स्वास्थ्य केंद्र ल 85 प्रतिशत अउ सीतापुर सामुदायिक स्वास्थ्य केंद्र ल 84 प्रतिशत अंक प्राप्त होए हे ।

उल्लेखनीय हे कि राष्ट्रीय गुणवत्ता आश्वासन मानक प्रमाण-पत्र प्रदान करे के पूर्व विशेषज के टीम डहार ले अस्पताल के सेवा अउ संतुष्टि स्तर के कई ठन मानक म परीक्षण करे जात हे । एमा उपलब्ध सेवा, मरीज के अधिकार, इनपुट, सपोर्ट सर्विसेस, क्लिनिकल सर्विसेस, इन्फेक्शन कंट्रोल, गुणवत्ता प्रबंधन अउ आउटकम जइसे पैरामीटर सामिल हे । ए मानक म खरा उतरइया अस्पतालों ल ही केन्द्रीय स्वास्थ्य मंत्रालय डहार ले गुणवत्ता प्रमाण-पत्र जारी करे जात हे।