Raipur : विशेष लेख : मोला नई पता रिहीस कि मेहा आज आवेदन करत हों अउ आजेच मुख्यमंत्री ह मोला आदेश देही – पूजा
जय जोहार। (Raipur) सीएम भूपेश बघेल ह आज रायपुर के निवास कार्यालय ले बेरोजगारी भत्ता योजना के सुरुवात करे हे । मुख्यमंत्री ह योजना के सुरुवात के संग ही चार युवा ल बेरोजगारी भत्ता स्वीकृति आदेश घलो जारी करीन । मुख्यमंत्री के हाथ बेरोजगारी भत्ता स्वीकृति आदेश पवइया ये चार युवा अपन भविष्य ल लेके आशांवित हे अउ एखर बर मेहनत घलो करत हे । बेरोजगारी भत्ता ले एखर सपना ल नवा उड़ान मिलही ।
रायपुर जिला के रहवइया पूजा चंद्रवंशी ह बी.एड. के छात्रा हे । रायपुर के गुढिहारी के रहवइया पूजा ह बेहद गरीब परिवार ले हे अउ बड़ अकन ही मुश्किल ले शिक्षक बने के अपन सपना ल पूरा करे बर पढ़ाई करत हे । अभी तक पूजा ह बीएड के मंहगी किताब ल खरीद पाए म असमर्थ रिहीन अउ अपन सहपाठी ले किताब लेके पढ़ाई करत रिहीस । ओमन ल ये किताब वापस करे के दबाव होत रिहीस । बेरोजगारी भत्ता योजना के बारे म जानकारी मिले म पूजा ह आज ही आनलाइन एखर बर आवेदन करे रिहीस अउ थोड़कीन देर बाद ओखर बेरोजगारी भत्ता स्वीकृत घलो हो गीन ।
मुकेश्वरी ह रायपुर के मोवा के रहवइया एथलीट हे अउ फिजिकल एजुकेशन म अपन कैरियर बनाना चाहत हे । मुकेश्वरी ल अपन रेगुलर डाइट अउ अपन रूटीन ल मेंटन करे म काफी परेसानी होत हे, काबर कि फिजिकल एजुकेशन बर शरीर के फिट रहना बेहद जरूरी हे । बेरोजगारी भत्ता मिले ले अब मुकेश्वरी ह न सिरिफ अपन अच्छा डायट ले सकही बल्की ओमन ल पढ़ाई म घलो आसानी होही।
गुढ़िहारी के रहवइया कुणाल साहू ह कंप्यूटर के फील्ड म अपन कैरियर बनाना चाहत हे अउ बीसीए के पढ़ाई करत हे । आर्थिक हालात ठीक नई होय ले कुणाल ह बीसीए के मंहगी किताब नई खरीद पात रिहीन, बेरोजगारी भत्ता ले ये परेसानी अब दूर हो गेहे। रायपुर के कृष्णा नगर के रहवइया दीपक निषाद ह अपन ग्रेजुएशन पूरा कर चुके हे अउ सिविस सर्विसेज म कैरियर बनाय में जुटे हे । दीपक ह अपन तईयारी ल धार दे बर नवा किताब खरीदे ले बचत रिहीन, लेकिन अब बेरोजगारी भत्ता ले मिले पइसा ले नवा किताब खरीद पाही अउ अपन सपना ल पूरा करे के अउ नजदीक पहुंच पाही ।
