जय जोहार। (Raipur) छत्तीसगढ़ के श्रमिक मन ल आर्थिक सहायता प्रदान करे बर छत्तीसगढ़ सासन डहार ले मुख्यमंत्री श्रमिक सियान सहायता योजना सुरू करे गेहे । ए योजनाले प्रदेस के वृद्ध श्रमिक ह आर्थिक रूप ले लाभांवित होवत हे । उल्लेखनीय हे कि मुख्यमंत्री श्रमिक सियान सहायता योजना के अंतर्गत 60 बछर के उमर पूरा कर चुके निर्माण श्रमिक मन ल मंडल के सदस्यता ले निवृत्त होय ले पहले बेहतर जीवन यापन करे बर राज्य सरकार डहार ले आर्थिक सहायता के रूप म 10,000 रुपिया के एकमुश्त रासि प्रदान करे जावत रिहीन।
नवा बछर 2023 के अवसर म राजधानी रायपुर के चावड़ी म मजदूर मन ले भेंट करत हुए मुख्यमंत्री भूपेश बघेल ह ए योजना के तहत 10,000 रुपिया के रासि ले बढ़ाके 20,000 रुपिया के एकमुश्त सहायता रासि प्रदान करे के घोसना करे रिहीन थी। ए योजना के तहत महासमुंद जिला के श्रमिक सुहागा बाई निवासी ग्राम खैरा के खाता म 20 हजार रुपिया के रासि प्राप्त हो गेहे ।
महासमुंद जिला म ए योजना म 26 झन श्रमिक सियान पंजीकृत हे । अब तक परीक्षण के बाद 10 श्रमिक सियान ल 20-20 हज़ार के एक मुश्त रासि प्रदान करे गेहे। शेष श्रमिक सियान के दस्तावेज के परीक्षण करे जावत हे। श्रमिक सुहागा बाई ह बताइन कि वे खेती-मजदूरी के काम करत हे । ओखर बेटा ले ए योजना के जानकारी मिलीन अउ श्रम विभाग म एखर आवेदन करीन ।
वोहा किहीन कि ए योजना ले हमन जइसे वृद्ध श्रमिक ल बड़ अकन लाभ होवत हे । वोहा किहीन कि 60 बछर के उमर म शरीर घलो जादा मजदूरी करे म अक्षम सा बन जात हे अउ मनखे घलो काम नई देत। राज्य सासन के ये योजना हमन जइसे श्रमिक बर वरदान बन हे अउ खाता म 20 हजार रुपिया के रासि हमर अउ हमर परिवार बर बड़ अकन उपयोगी हे ।
