chhattisgarh : श्याम घुनघुट्टा मध्यम परियोजना के काम बर मिलीन 44.67 करोड़ रुपिया के स्वीकृति

जय जोहार। छत्तीसगढ़ (chhattisgarh ) सासन जल संसाधन विभाग मंत्रालय डहार ले सरगुजा जिला के विकासखण्ड-अंबिकापुर/लखनपुर के श्याम घुनघुट्टा मध्यम परियोजना के दांया अउ बांया तट नहर के लाईनिंग अउ रिमाडलिंग काम बर 44 करोड़ 67 लाख 50 हजार रुपिया के प्रसासकीय स्वीकृति मुख्य अभियंता हसदेव गंगा कछार, जल संसाधन विभाग अंबिकापुर ल प्रदान करे गेहे । ए योजना के पूरा होय ले 7200 हेक्टेयर क्षेत्र म सिंचाई सुविधा मिल सकही।

हरदी, दुलना रावर अउ टीला एनीकट के काम बर मिले हे 2.90 करोड़ के स्वीकृति

छत्तीसगढ़ सासन जल संसाधन विभाग मंत्रालय डहार ले रायपुर जिला के हरदी, दुलना, रावर अउ टीला एनीकट में जलद्वार के पुनर्निमाण, जीर्णोद्धार अउ उन्नयन काम बर 2 करोड़ 90 लाख 17 हजार रुपिया के प्रसासकीय स्वीकृति मुख्य अभियंता महानदी परियोजना जल संसाधन विभाग रायपुर ल प्रदान करे गेहे ।

चपका एनीकट योजना के काम बर 2.11 करोड़ स्वीकृति

छत्तीसगढ़ सासन जल संसाधन विभाग मंत्रालय डहार ले बस्तर जिला के चपका एनीकट योजना के जीर्णोद्धार काम बर 2 करोड़ 11 लाख 47 हजार रुपिया के प्रसासकीय स्वीकृति मुख्य अभियंता महानदी परियोजना जल संसाधन विभाग रायपुर ल प्रदान करे गेहे । ए योजना के पूरा होय ले 212 हेक्टेयर क्षेत्र म सिंचाई सुविधा मिल सकही ।