जय जोहार। (chhattisgarh) प्रदेस म कोरोना संक्रमित के संख्या ह सरलग बढ़त जावत हे । प्रदेस म बीते 24 घंटा म कोरोना के 81 नवा मामला मिले हे । जबकि 26 मरीज ल ठीक होए के बाद ओमन ल डिस्चार्ज कर दे गेहे। उहें इलाज के दउरान 1 मरीज के मउत हो गेहे ।
प्रदेस म आज कोरोना के जेन नवा मरीज मिले हे, ओमा दुर्ग ले 8, राजनांदगांव ले 8, बालोद ले 5, रायपुर ले 27, धमतरी ले 4, महासमुंद ले 3, बिलासपुर ले 6, जांजगीर -चांपा ले 5, गौरेला पेंड्रा मरवाही ले 5, सूरजपुर ले 2, बलरामपुर ले 1, बस्तर ले 1, कोंडागांव ले 1 अउ कांकेर ले 5 मरीज सामिल हे।
बता देन कि प्रदेस म कोरोना मरीज के कुल संख्या 11 लाख 78 हजार 358 हो गेहे। जेमा ले 442 एक्टिव मामला हे । जबकि 11 लाख 63 हजार 766 मरीज ह कोरोना ले जंग जीत गेहे, जेखर बाद ओमन ल अस्पताल ले छुट्टी दे दे गेहे । उहें ए वायरस ले राज्य म अब तक 14150 मरीज के मउत हो गेहे।
