CM Bhupesh Baghel ह करीन घोसना, बीपीओ कॉल सेंटर होही सुरु, खेल अकादमी के करे जाही निर्माण

जय जोहार। मुख्यमंत्री भूपेश बघेल (CM Bhupesh Baghel ) ह शनिवार के भिलाई नगर विधानसभा क्षेत्र के खुर्सीपार के मोहन लाल जैन शासकीय महाविद्यालय प्रांगण म आयोजित भेंट-मुलाकात म क्षेत्र के विकास बर कई बड़का घोसना करीन।

1. टाउनशिप एरिया के रहवइया अउ जेन मनखे मन के बीएसपी के जमीन म घर बने हे, ओमन ल घलो बिजली बिल हाफ योजना के लाभ दिलाए बर अवइया कैबिनेट के बइठक म प्रस्ताव लाए जाही। ए क्षेत्र के मनखे मन ल अब तक हाफ बिजली बिल योजना के लाभ नई मिलत रिहीस।
2. एक हजार महिला ल रोजगार प्रदान करे ल गारमेंट फैक्ट्री सुरू करे जाही। एखर बर 7 करोड़ रुपिया के रासि के स्वीकृति दे जात हे ।
3. बीपीओ कॉल सेंटर प्रारंभ करे जाही। एमा 500 युवा ल रोजगार मिलही । एखर बर 5 करोड़ रुपिया के रासि के स्वीकृति दे जात हे।
4. भिलाई के लईका मन खेल-कूद म घलो आगू हे । क्रिकेट स्टेडियम बर डेढ़ करोड़ रुपिया अउ सर्व समाज नागरिक भवन बर 3 करोड़ रुपिया के रासि के स्वीकृति दे जात हे।
5. भिलाई नगर विधानसभा क्षेत्र के अंतर्गत हरेक वार्ड म 50 लाख रुपिया के विकास काम कराए जाही।
6. भिलाई नगर विधानसभा के अंतर्गत प्रकाश के समुचित व्यवस्था कराए जाही।
7. सिविक सेंटर के सौंदर्यीकरण काम कराए जाही ।
8. भिलाई नगर क्षेत्र के अंतर्गत छत्तीसगढ़ महतारी के मूर्ति स्थापना अउ सौंदर्यीकरण काम कराए जाही ।
9. सेंट्रल एवेन्यू मार्ग अउ फॉरेस्ट एवेन्यू मार्ग के सौंदर्यीकरण कार्य कराए जाही ।
10. भिलाई नगर विधानसभा के कई ठन स्थान म डोम, शेड निर्माण काम कराए जाही ।
11. भिलाई नगर विधानसभा के खुर्सीपार क्षेत्र के आंतरिक रोड के डामरीकरण अउ नवीनीकरण काम कराए जाही ।
12. शहीद वीरनारायण सिंह जयंती स्टेडियम के तीर प्रकाश के समुचित व्यवस्था करे जाही ।
13. भिलाई नगर विधानसभा म खेल अकादमी के निर्माण करे जाही ।
14. भिलाई नगर विधानसभा क्षेत्र के अंतर्गत सेक्टर-09 स्थित उच्चतर माध्यमिक शाला के स्वामी आत्मानंद इंग्लिश मीडियम स्कूल के रूप म संचालन करे जाही ।
15. खुर्सीपार म स्थित शासकीय आई.टी.आई के स्वामी आत्मानंद आई.टी.आई अंतर्गत संचालन करे जाही । इंहा नवा ट्रेड प्रारंभ करे जाही ।