जय जोहार। सीएम भूपेश बघेल (CM Bhupesh Baghel) ह गुरू तेग बहादुर साहब अउ समाज सुधारक, विचारक, लेखक महात्मा ज्योतिबा फुले के 11 अप्रैल के जयंती म ओमन ल नमन करीन हे ।
सीएम श्री बघेल ह किहीन कि सत्य अउ धर्म बर तेग बहादुर साहब ह अपन सर्वाेच्च बलिदान देहे । वोहा समाज म फैले अंधविश्वास अउ कुरीति के घोर आलोचना करीन अउ सामाजिक हित के कई ठन काम करे हे । मानवीय मूल्य बर ओखर डहार ले स्थापित सिद्धांत अउ आदर्श हमन ल सदा राह दिखात रही ।
सीएम श्री बघेल ह किहीन कि ज्योतिबा फुले जी ह महिला अउ दलित के उत्थान बर कई ठन काम करीन। दलित के प्रति भेद-भाव समाप्त कर ओमन ह समाज म स्थान दिलाए बर महात्मा फुले ह सत्यशोधक समाज के स्थापना करीन । वोहा न सिरिफ महिला शिक्षा ल बढ़ावा देहे , बल्कि अपन धर्मपत्नी सावित्रीबाई फुले ल घलो शिक्षा दिलाईन, जेखर ले वे भारत के पहला अध्यापिका बनीन।
