CM Bhupesh Baghel ह आज रायपुर अउ भिलाई म डॉ. बाबा साहेब आम्बेडकर जयंती कार्यक्रम म होही सामिल
जय जोहार। सीएम भूपेश बघेल (CM Bhupesh Baghel) ह 14 अप्रैल के रायपुर अउ भिलाई म होवइया डॉ. बाबा साहेब भीमराव आम्बेडकर जयंती कार्यक्रम म सामिल होही ।
सीएम श्री बघेल ह निर्धारित कार्यक्रम के अनुसार 14 अप्रैल के मंझनिया 12 बजे रायपुर के डॉ. आम्बेडकर चौक म डॉ. बाबा साहेब आम्बेडकर जयंती कार्यक्रम म सामिल होही । मुख्यमंत्री श्री बघेल ह संझा 6.15 बजे मुख्यमंत्री निवास रायपुर ले कार डहार ले प्रस्थान कर संझा 7.30 बजे भिलाई-3 के बु़द्ध विहार म आयोजित डॉ. बाबा साहेब आम्बेडकर जयंती समारोह म सामिल होही ।
एखर बाद उंहा ले प्रस्थान कर संझा 7.35 बजे पावर हाउस भिलाई पहुंचके डॉ. बाबा साहेब भीमराव आम्बेडकर जी के प्रतिमा म माल्यार्पण करही । एखर बाद मुख्यमंत्री ह संझा 7.40 बजे पावर हाउस भिलाई ले प्रस्थान कर संझा 7.45 बजे दुर्ग जिला के भिलाई सेक्टर-6 स्थित बुद्ध विहार म डॉ. बाबा साहेब आम्बेडकर सार्वजनिक जयंती समारोह म सामिल होही । मुख्यमंत्री श्री बघेल ह रात 8.45 बजे उंहा ले मुख्यमंत्री निवास बर प्रस्थान करही।
