chhattisgarh : नरवा विकास: वनांचल के करीबन 5 हजार हेक्टेयर भूमि म होवत हे चारागाह विकास
जय जोहार। (chhattisgarh) छत्तीसगढ़ म नरवा विकास कार्यक्रम के तहत वनांचल के नाला म काफी तादाद म भू-जल संवर्धन संबंधी काम कराए जावत हे । एखर अंतर्गत कैम्पा मद के सालाना कार्य योजना 2022-23 म 11 करोड़ 79 लाख रुपिया के स्वीकृत राशि ले वन क्षेत्र के 4 हजार 751 हेक्टेयर क्षेत्र म चारागाह विकास के काम प्रगति म हे । वन अउ जलवायु परिवर्तन मंत्री मोहम्मद अकबर ह एला वन्य प्राणी के भोजन अउ रहवास सुधार बर काफी उपयोगी बताइन हे।
गौरतलब हे कि बछर 2022-23 म ही छत्तीसगढ़ प्रतिकरात्मक वनरोपण, निधि प्रबंधन अउ योजना प्राधिकरण ’’कैम्पा’’ के सालाना काम योजना के तहत 1 हजार 503 नाला के चयन कर 6 लाख हेक्टेयर ले जादा भूमि के उपचार जारी हे । एमा 29 लाख ले जादा भू-जल संबंधी संरचना के निर्माण करे जावत हे । एखर निर्माण बर प्रदेस के 32 वनमंडल, 2 राष्ट्रीय उद्यान, 3 टाइगर रिजर्व अउ 1 ऐलीफेंट रिजर्व म 300 करोड़ रुपिया ले जादा के रासि स्वीकृत हे।
ए संबंध म प्रधान मुख्य वन संरक्षक अउ वन बल प्रमुख संजय शुक्ला ह बताइन कि कैम्पा के तहत बछर 2022-23 म प्रदेस के वनांचल के 239 स्थल के चयन चारागाह विकास बर करे गेहे । एमा सबले जादा 85 ठन स्थल के चयन वन्य प्राणी संरक्षण के अंतर्गत करे गेहे। इंहा स्वीकृत 4 करोड़ 93 लाख रुपिया के रासि ले 1 हजार 955 हेक्टेयर भूमि म चारागाह विकास करे जावत हे ।
