रायपुर । मुख्यमंत्री डॉ. रमन सिंह ले आज इहां विधानसभा परिसर स्थित ऊंखर कार्यालय म राजनांदगांव जिला म स्थित स्वामी करपात्री शासकीय उच्चतर माध्यमिक शाला के शिक्षक मन अऊ पढ़ईया लईका मन ह सौजन्य मुलाकात करिन। उमन मुख्यमंत्री ल अभी हाले के बजट म शाला के नवीन भवन के निर्माण बर एक करोड़ 21 लाख रूपिया देहे के घोषणा बर धन्यवाद दीन। ए अवसर म छात्रा मन ह मुख्यमंत्री ल कविता सुनाईन। मुख्यमंत्री ह उंखर सराहना करिन अऊ उज्ज्वल भविष्य के कामना करिन। ए अवसर म शाला के प्राचार्य संजय दुबे, शाला विकास समिति के अध्यक्ष जसविन्दर बग्गा उपस्थित रहिन।
