जय जोहार। जिला रोजगार एवं स्वरोजगार मार्गदर्शन केन्द्र रायपुर डहार ले छत्तीसगढ़ राज्य के स्थानीय शिक्षित बेरोजगार युवा ल रोजगार के अवसर उपलब्ध कराए के उद्देश्य ले 24 अप्रैल के जिला रोजगार कार्यालय, पुराना पुलिस मुख्यालय परिसर म प्लेसमेंट कैम्प के आयोजन करे गेहे । ये कैम्प ह बिहनिया 11 बजे ले मंझनिया 2 बजे तक लगही ।
ए प्लेसमेंट कैम्प के माध्यम ले करियर के पाठशाला रायपुर अउ मिडास इंस्टिट्यूट ऑफ सॉफ्टवेयर टेक्नोलॉजी डहार ले 12वी अउ स्नातक (तकनीकी शिक्षा) उत्तीर्ण आवेदक के भर्ती कम्प्यूटर ऑपरेटर कॉलर कम काउंसलर सॉफ्टवेयर अउ नेटवर्किंग टेकनिशियन के कई ठन पद म करे जाही । ए पद बर 8 ले 15 हजार रुपिया प्रतिमाह के वेतनमान दे जाही ।
प्लेसमेंट कैम्प म सम्मिलित होए ल योग्य अउ इच्छुक आवेदक ह निर्धारित तिथि अउ स्थल म उपस्थित हो सकत हे । ए संबंध म जादा जानकारी बर आवेदक ह जिला रोजगार कार्यालय रायपुर म घलो संपर्क कर सकत हे।
