जय जोहार। कौशल्या माता मंदिर, चंदखुरी के मंदिर प्रांगण म तीन दिनी माता कौशल्या महोत्सव के आयोजन करे जावत हे। आज महोत्सव के तीसरइया दिन के समापन मुख्यमंत्री भूपेश बघेल के विशिष्ट आतिथ्य म होही। ए दउरान देश के मशहूर गायक पद्म कैलाश खेर ह अपन भक्तिमय गीत ले माता कौशल्या धाम म दर्शक के सामने अपन मनमोहक प्रस्तुति देही।
एखर संग ही मुंबई के मशहूर गायिका तृप्ति शाक्या, रायगढ़ के देवेश शर्मा के भक्तिमय गीत संगीत के संग ही स्थानीय महिला मानस मंडली डहार ले रामायण मानस गायन के प्रस्तुति दे जाही । गौरतलब हे कि राम रामायणी परंपरा ल आगू बढ़ाए बर रामायण मानस मंडली कलाकार ल सम्मान दे के परंपरा के शुरूआत करे गेहे । एखर तहत राज्य सरकार डहार ले हरेक मानस मंडली ल 5 हजार रुपिया के प्रोत्साहन रकम प्रदान करे जावत हे ।
माता कौशल्या महोत्सव के समापन अवसर म अध्यक्ष के तौर म संस्कृति मंत्री अमरजीत भगत, विशिष्ट अथिति के रूप म गृह मंत्री ताम्रध्वज साहू, कृषि मंत्री रविन्द्र चौबे अउ नगरीय प्रशासन मंत्री डॉ शिव कुमार डहरिया उपस्थित रही ।
No Comment! Be the first one.