जय जोहार। छत्तीसगढ़ के दू ठन पंचायत ल राष्ट्रीय पंचायत पुरस्कार ले सम्मानित करे गेहे । राष्ट्रपति द्रौपदी मुर्मू के अध्यक्षता म नई दिल्ली म आयोजित कार्यक्रम म सरगुजा जिला के जनपद पंचायत लुन्ड्रा के ग्राम पंचायत नागम अउ धमतरी जिला के नगरी पंचायत के ग्राम सांकरा ल पुरस्कृत करे गीन । ग्राम पंचायत नागम ल गरीबी उन्मूलन अउ आजीविका संवर्धन श्रेणी, सांकरा ल स्वस्थ पंचायत थीम म पुरस्कृत करे गीन । ए ग्राम पंचायत ल पुरस्कार के संग ही 50-50 लाख रुपिया के रासि घलो प्रदान करे गेहे ।
मुख्यमंत्री भूपेश बघेल अउ पंचायत मंत्री रविंद्र चौबे ह ए उपलब्धि बर प्रदेस वासी मन ल सुभकामना दीन हे। उल्लेखनीय हे कि पूरा देस म विभिन्न क्षेत्र म उल्लेखनीय काम बर 43 ठन ग्राम पंचायत ल पुरस्कार दे गेहे । छत्तीसगढ़ के ग्राम पंचायत नागम के सरपंच भंडारी राम पैकरा अउ ग्राम पंचायत सांकरा के सरपंच शशि ध्रुव ह केंद्रीय मंत्री पंचायत एवं ग्रामीण विकास गिरिराज सिंह के हाथ पुरस्कार ग्रहण करीन । ए मउका म केंद्रीय राज्य मंत्री ग्रामीण विकास फग्गन सिंह कुलस्ते अउ केन्द्रीय राज्य मंत्री पंचायत राज कपिल मोरेश्वर पाटिल घलो मौजूद रिहीन ।
उल्लेखनीय हे कि ग्राम पंचायत नागम म गरीबी उन्मूलन बर ग्राम वासी मन ल मनरेगा के अंतर्गत जादा ले जादा जाब कार्ड प्रदान करे, शतप्रतिशत पारिश्रमिक प्रदाय करे, प्रधानमंत्री किसान सम्मान निधि योजना के अंतर्गत शतप्रतिशत हितग्राही मन ल लाभ प्रदान ककरे, स्वसहायता समूह के महिला के आय म वृद्धि बर अउ ग्राम वासी ल आईटीआई संस्था के माध्यम ले कौशल विकास कराए उत्कृष्ट काम बर पुरस्कृत करे गेहे ।
अइसने ग्राम पंचायत सांकरा म गर्भवती महिला मन के शतप्रतिशत संस्थागत प्रसव, लईका मन ल पौष्टिक आहार प्रदान करे, ग्राम सभा, महिला सभा अउ बालसभा म लईका मन के टीकाकरण म चर्चा करे बर, बीमारी जइसे टायफाइड, मलेरिया, टीबी आदि बीमारी ले बचाव बर प्रचार, प्रसार अउ टेलीमेडिसीन के माध्यम ले अच्छा काम करे बर पुरस्कृत करे गीन ।
Other Articles
Raipur : मौहाकापा एनीकट काम बर 2.82 करोड़ रुपिया स्वीकृत
