Raipur : भेंट-मुलाकात : सीएम भूपेश बघेल ह बोरियाखुर्द म 167 करोड़ रुपिया के विकास काम के दीन सौगात
जय जोहार । सीएम भूपेश बघेल ह आज रायपुर ग्रामीण विधानसभा क्षेत्र के बोरियाखुर्द म भेंट-मुलाकात कार्यक्रम के दउरान क्षेत्र वासी मन ल 167 करोड़ रुपिया के विकास काम के सौगात दीन । एमा 36 करोड़ रुपिया ले जादा के विभिन्न विकास काम के लोकार्पण अउ 126 करोड़ रुपिया ले जादा के काम के भूमिपूजन सामिल हे।
मुख्यमंत्री भूपेश बघेल ह नगर पालिक निगम रायपुर के 9 ठन काम बर 38 करोड़ 02 लाख 79 हजार रुपिया, नगर पालिक निगम बीरगांव के 16 ठन काम बर 05 करोड़ 78 लाख 76 हजार रुपिया अउ लोक निर्माण विभाग के 12 ठन विभिन्न विकास काम बर 38 करोड़ 56 हजार , नगर पंचायत माना के विकास काम बर 44 करोड़ 37 लाख रुपिया, स्वास्थ्य अउ परिवार कल्याण विभाग ले संबंधित विकास काम बर 19 लाख 36 हजार रुपिया के काम के भूमिपूजन करीन । मुख्यमंत्री भूपेश बघेल ह छत्तीसगढ़ स्टेट पावर डिस्ट्रीब्यूशन कंपनी लिमिटेड बर 4 करोड़ 03 लाख 22 हजार के लागत के 02 विकास काम के घलो सिलान्यास करीन ।
मुख्यमंत्री भूपेश बघेल ह 36.57 करोड़ के विभिन्न विकास काम के लोकार्पण घलो करीन । एमा नगर पालिक निगम रायपुर के 13 काम बर 32 करोड़ 76 लाख 33 हजार, नगर पालिक निगम बिरगांव के 02 काम बर 74 लाख 87 हजार, छत्तीसगढ़ ग्रामीण सड़क विकास अभिकरण के काम बर 50 लाख 36 हजार, छत्तीसगढ़ स्टेट पावर डिस्ट्रीब्यूशन के 01 काम बर 02 करोड़ 56 लाख 41 हजार रुपिया के रासि के विकास काम के लोकार्पण करीन ।
