CM Bhupesh Baghel ह 1 मई के अंतर्राष्ट्रीय श्रम दिवस म रायपुर म श्रमिक सम्मेलन म होही सामिल
जय जोहार। सीएम भूपेश बघेल ह 1 मई के राजधानी रायपुर म श्रमिक सम्मेलन अउ कांकेर म होवइया कर्मा महोत्सव म सामिल होही । निर्धारित कार्यक्रम के अनुसार मुख्यमंत्री भूपेश बघेल ह मंझनिया 12 बजे राजधानी रायपुर के साइंस कॉलेज मैदान म अंतर्राष्ट्रीय श्रम दिवस म आयोजित ‘श्रमिक सम्मेलन‘ कार्यक्रम म सामिल होही ।
एखर बाद मुख्यमंत्री ह मंझनिया 2.10 बजे रायपुर के पुलिस परेड ग्राउण्ड हेलीपेड ले हेलीकॉप्टर डहार ले कांकेर बर रवाना होही। उंहा 2.55 बजे मेला भाठा मैदान म साहू समाज डहार ले आयोजित जिला स्तरीय कर्मा महोत्सव अउ लोकार्पण कार्यक्रम म सामिल होही । मुख्यमंत्री ह संझा 5.05 बजे पुलिस परेड ग्राउण्ड रायपुर लहुटी आही ।
