गंगरेल बांध ह मोह लेथे पर्यटक मन के मन

धमतरी। छत्तीसगढ़ राज्य के बड़का बांध म, धमतरी जिला के गंगरेल म महानदी म बने रविशंकर जलाशय गंगरेल बांध के खूबसूरती ह जम्मो झन ल लुभाथे। एखरे सेती लाखों लोगन मन इहां आथे। महानदी अत्यंत विशाल नदी हे, जेखर उद्गम धमतरी जिला का सिहावा पर्वत ले होथे अउ ए नदी अपन उद्गम के बाद उत्तर-पूर्व दिशा म प्रवाहित होथे। इस नदी म बड़का-बड़का बांध के घलो निर्माण करे गे हे, जेनमा प्रमुख हे – रुद्री बांध, गंगरेल या रविशंकर बांध अउ उड़ीसा म निर्मित हीराकुंड बांध, छत्तीसगढ़ के सबले बड़का बांधा गंगरेल या रविशंकर बांध ए नदी म निर्मित हे ।

इहां दर्शनीय स्थल मां अंगारमोती मंदिर के अलावा बोटिंग, मिनी गोवा, रंग-बिरंगे फूल ले सजे गार्डन पर्यटक मन के मन मोह लेथे। गंगरेल डैम म खूबसूरत हट बने हे, जिहां ले बांध के तीर रहइया मन घलो 24 घंटा ओला निहारे के आनंद ले सकथे। एला लेके ग्राम छाती के डिगेश्वरी साहू बताथे कि वो अपन परिवार के संग गंगरेल घूमे बर आवत रथे। इहां के शांत वातावरण, अंगारमोती के दर्शन करके, ओला बने लगथे। एखर संग बोटिंग, आकर्षक गार्डन अउ नदी ल देखके मन प्रफुल्लित हो उठथे। उहें महासमुंद जिला ले गंगरेल पहुंचिस कुमारी मोना साहू अउ ओखर साथी मन ह गंगरेल के मनोरम वातावरण, बोटिंग, विशाल नदी अउ अंगारमोती मां के मंदिर के बड़ प्रशंसा करिन।