रायपुर। मुख्यमंत्री विष्णु देव साय के पहल म प्रयागराज महाकुंभ म राज्य के स्थानीय लोगन मन बर छत्तीसगढ़ पवेलियन पूरा तरह ले तैयार हे। राज्य के लोगन ल प्रयागराज म घलो अपनेपन के अहसास मिलिस, एखर बर मुख्यमंत्री विष्णुदेव साय ह इहां स्थानीय संस्कृति ल बढ़ावा देवत लोगन बर निःशुल्क ठहरे अउ भोजन करे घलो व्यवस्था करिन।
छत्तीसगढ़ के जेन घलो श्रद्धालु महाकुंभ म आस्था के डुबकी लगाना चाहथो, उखर बर मुख्यमंत्री के निर्देश म विशेष सुविधा उपलब्ध कराए गे हें। छत्तीसगढ़ पवेलियन महाकुंभ मेला के सेक्टर 6 म स्थित हे। ए ठीक बघाड़ा थाना मेला के तीर स्थित हे जिहां आए बर लक्ष्मी द्वार ले प्रवेश करना हे। इहां ले निकटतम रेलवे स्टेशन प्रयाग हे। सड़क अथवा हवाई मार्ग ले अवइया श्रद्धालु इलाहाबाद यूनिवर्सिटी के रद्दा दारागंज होवत पुराना लोहे के यमुना ब्रिज क्रॉस करके इहां पहुंच सकत हे।
Other Articles
