जांजगीर-चांपा : कलेक्टर आकाश छिकारा ह आज कलेक्टोरेट कार्यालय के सभाकक्ष म जम्मों जिला स्तरीय विभागीय अधिकारी मन के उपस्थिति म जनदर्शन कार्यक्रम के माध्यम ले जिला के आमजन मन के शिकायत अउ मांग जइसन समस्या ल सुनिस अउ ओमन संबंधित अधिकारी ल प्राप्त जम्मों आवेदन ल त्वरित कार्यवाही करत समय सीमा म निराकरण करे के निर्देश दिस। आज जनदर्शन म कुल 92 आवेदन प्राप्त होए हे।
आज जनदर्शन म तहसील अकलतरा के ग्राम कोटमीसोनार निवासी अमृत लाल ह प्रधानमंत्री आवास योजना के राशि दिलाए, ग्राम परसाही बाना के इन्द्रभुषण पटेल ह जमीन के सीमाकंन कराए, तहसील पामगढ़ के ग्राम सिल्ली निवासी संगीता पंकज ह स्वनिधि व्यवसाय बर आर्थिक सहायता दिलाए ग्राम भिलौनी निवासी तुलसा बाई, दुलारा बाई अउ कचरा बाई ह खाता विभाजन कराए, तहसील शिवरीनारायण के ग्राम सलखन निवासी संतरू कश्यप ह बेजा कब्जा हटवाए, नगर पंचायत खरौद के मांझापारा निवासी ह मुक्तिधाम के सीमाकंन कराए संबंधी आवेदन प्राप्त होए। कलेक्टर छिकारा ह प्राप्त जम्मों आवेदन के संबंधित अधिकारी ह आवश्यक कार्यवाही करत निराकरण करे के निर्देश दिस हे।
