रायपुर। मुख्य सचिव विकासशील ह कहिन हे कि विभागीय अधिकारी कर्मचारी मन के क्षमता विकास बर विभाग के जरूरत अउ पद के अनुरूप प्रशिक्षण कोर्स तय करे जाए, जेखर ले वो कार्यक्रम मिशन कर्मयोगी के लक्ष्य के अनुरूप कार्य कर सकय। मुख्य सचिव ह कहिन कि कर्मचारी मन के पदोन्नति अउ नवीन पदस्थापना होए म ओमन ह अपन नवीन पद के दायित्व अउ कर्त्तव्य के निर्वहन अउ क्षमता विकास बर एक सप्ताह के संस्थागत प्रशिक्षण देय जाना चाहि। मुख्य सचिव ह आज इहां नवा रायपुर के आई.आई.आई.टी. म क्षमता विकास आयोग भारत सरकार अउ छत्तीसगढ़ प्रशासन अकादमी के संयुक्त तत्वाधान म आयोजित कार्यशाला म अधिकारी-कर्मचारी मन ल सम्बोधित करिन। कार्यशाला म गृह अउ जेल विभाग के अपर मुख्य सचिव मनोज कुमार पिंगुआ घलो शामिल होइस।
मुख्य सचिव ह कहिन कि अधिकारी-कर्मचारी मन ले क्षमता विकास कार्यशाला म क्षमता आयोग भारत सरकार के तकनीकी के सदस्य मन ले प्रशिक्षण कोर्स के संबंधी जरूरी मार्गदर्शन अउ तकनीकी जानकारी हासिल कर लिन। क्षमता विकास म आयोजित एक दिवसीय कार्यशाल म राज्य शासन के चयनित विभाग के अधिकारी-कर्मचारी ल अपन विभाग के क्षमता विकास योजना बनाए बर आर्टिफिशियल इंटेलीजेंस टूल के तकनीक के डेमोस्ट्रेशन के माध्यम ले मार्गदर्शन अउ महत्वपूर्ण जानकारी दे गिन। कार्यशाला म पंचायत अउ ग्रामीण विकास, महिला अउ बाल विकास अउ परिवहन विभाग द्वारा क्षमता विकास बर तैयार प्रशिक्षण कोर्स के प्रस्तुतिकरण के जरिए प्रदर्शन करे गिस। जेला अन्य विभाग के अधिकारी कर्मचारी मन द्वारा घलो देखे गिस। आगामी दिन म क्षमता निर्माण योजना म आधारित अन्य विभाग मन बर आयोजित करे जाहि।
कार्यशाला म क्षमता विकास आयोग भारत सरकार के तकनीकी टीम के विशेषज्ञ मन द्वारा प्रशिक्षण कोर्स बनाए कम्प्यूटर आधारित व्यवहारिक प्रशिक्षण देय गिस हे। कार्यशाला म क्षमता विकास आयोग के चेयरपर्सन एस.राधा. चौहान ह भारत सरकार के महत्वपूर्ण कर्मचारी मिशन कर्मयोगी के तहत अउ विकसित भारत 2047 के लक्ष्य के अनुरूप कार्य करे बर प्रतिभागी मन ल प्रेरित करिन। कार्यक्रम ल क्षमता विकास आयोग के प्रमुख सलाहकार चंदलेखा मुखर्जी, प्रशासनिक अकादमी के डीजी सुब्रत साहू, संचालक टी.एस. महावार ह घलो संबोधित करिन।
Other Articles
पटना तहसील के पटवारी अमरेश कुमार पाण्डेय निलंबित
