मुख्यमंत्री साय ले अखिल भारतीय राष्ट्रीय महासभा हल्बा हल्बी आदिवासी समाज के प्रतिनिधि मंडल के सदस्य ह सौजन्य मुलाकात करिन

रायपुर। मुख्यमंत्री विष्णु देव साय ले राजधानी रायपुर स्थित मुख्यमंत्री निवास कार्यालय म अखिल भारतीय राष्ट्रीय महासभा हल्बा हल्बी समाज के प्रतिनिधिमण्डल ह सौजन्य मुलाकात करिन। प्रतिनिधिमण्डल ह मुख्यमंत्री साय ल 20 जनवरी 2026 ग्राम खैरवाही जिला बालोद म आयोजित होवइया क्रांतिकारी अमर शहीद गैंदसिंह के 201 वां शहादत दिवस समारोह कार्यक्रम म शामिल होए बर आमंत्रित करिन।

मुख्यमंत्री ह आमंत्रण बर पूरा हल्बा हल्बी समाज के सदस्य मन के धन्यवाद देत आयोजन के सफलता बर शुभकामना दिंन। ए अवसर म अध्यक्ष मंतुराम पवार, जी आर राणा, श्याम सिंह तारण, जी आर चुरेंद्र अउ देवेंद्र सिंह भाऊ सहित समाज के अन्य सदस्य बड़का संख्या म उपस्थित रहिन।