शीर्ष नक्सली नेता गणेश उइके के न्यूट्रलाइजेशन नक्सलवाद म निर्णायक प्रहार – मुख्यमंत्री साय
रायपुर। मुख्यमंत्री विष्णुदेव साय ह ओडिशा के कंधमाल-गंजाम सीमावर्ती वन क्षेत्र म संचालित संयुक्त सुरक्षा अभियान म सीपीआई (माओवादी) संगठन के शीर्ष नेतृत्व म शामिल गणेश उइके के न्यूट्रलाइज करे जाए ल नक्सलवाद के विरुद्ध चलत निर्णायक लड़ाई म महत्वपूर्ण उपलब्धि बतायिन हे।
मुख्यमंत्री ह कहिन कि ए कार्रवाई नक्सल तंत्र के रीढ़ म सीधा प्रहार हे अउ स्पष्ट संदेश हे कि अब नक्सल हिंसा बर देश म कहीं घलो सुरक्षित ठिकाना शेष नहीं हे।
मुख्यमंत्री ह कहिन कि 31 मार्च 2026 तक नक्सल उन्मूलन के राष्ट्रीय संकल्प ल साकार करे के दिशा म ए एक ठोस अउ निर्णायक कदम हे। प्रधानमंत्री नरेन्द्र मोदी के दृढ़ नेतृत्व अउ केंद्रीय गृह मंत्री अमित शा के सशक्त मार्गदर्शन म देश नक्सलवाद के पूर्ण उन्मूलन के ओर तीव्र गति ले आगु बढ़त हे। एक-भारत श्रेष्ठ-भारत के भावना के संग केंद्र अउ राज्य सरकार के समन्वित प्रयास ले नक्सल प्रभावित क्षेत्र म शांति अउ विकास के नई धारा प्रवाहित होत हे।
मुख्यमंत्री साय ह ए अभियान म शामिल जम्मों सुरक्षा बल के जवान अउ अधिकारी मन के अदम्य साहस, पराक्रम अउ पेशेवर दक्षता ल नमन करिन अउ उखर उत्कृष्ट मनोबल के सराहना करिन। ओमन ह कहिन कि सरकार के संदेश बिल्कुल स्पष्ट हे—“हिंसा के रास्ता छोड़ो, मुख्यधारा ले जुड़व; अन्यथा कानून अपन कार्य करहि।”
ओमन ह कहिन कि शांति, विकास अउ विश्वास ही नवा भारत के पहचान हे। सड़क, शिक्षा, स्वास्थ्य, रोजगार अउ बुनियादी सुविधा के माध्यम ले नक्सल प्रभावित क्षेत्र म विकास के नवा अवसर निरंतर सृजित करे जात हे। संग म हिंसा के मार्ग म भटके युवा मन के पुनर्वास अउ मुख्यधारा म सम्मानजनक वापसी बर सरकार प्रतिबद्ध हे।
मुख्यमंत्री ह विश्वास व्यक्त करिन कि जनता-जनार्दन के सहयोग, सुरक्षा बल के साहस अउ स्पष्ट नीतिगत प्रतिबद्धता के बल म नक्सल-मुक्त भारत के संकल्प शीघ्र ही पूर्णतः साकार होहि।
Other Articles
कृषक उन्नति योजना ह बदलिन प्रगतिशील कृषक के तकदीर
