राज्यपाल ह पूर्व प्रधानमंत्री वाजपेयी अउ पंडित मदनमोहन मालवीय के जन्मदिन के अवसर म ओमन ल नमन करिन
रायपुर। राज्यपाल रमेन डेका ह पूर्व प्रधानमंत्री भारतरत्न अटल बिहारी वाजपेयी अउ पंडित मदनमोहन मालवीय के जन्म दिवस म ओमन ल नमन करिन हे। लोकभवन म आयोजित कार्यक्रम म राज्यपाल ह छायाचित्र के समक्ष पुष्प अर्पित कर वाजपेयी अउ मालवीय जी ल नमन करिन।
राज्यपाल ह कहिन हे कि वाजपेयी जी एक महान राजनेता, सशक्त वक्ता, कवि अउ बहुआयामी व्यक्तित्व के धनी रहिन। वाजपेयी के जन्मदिवस ल सुशासन दिवस के रूप म घलो मनाए जात हे। डेका ह सुशासन दिवस के शुभकामनाएं देत कहिन हे कि वाजपेयी जी के आदर्श ल हमन जीवन म उतारे के संकल्प लेवन।
डेका ह कहिन हे कि पंडित मदनमोहन मालवीय ह अपन अदम्य इच्छाशक्ति अउ अथक प्रयास ले बनारस हिन्दू विश्वविद्यालय के स्थापना करिन अउ शिक्षा के क्षेत्र म बहुमूल्य योगदान दिन। उखर आदर्श अउ चरित्र हमन जम्मों झन बर प्रेरक हे। ए अवसर म राजभवन के अधिकारी-कर्मचारी मन ह घलो पुष्प अर्पित करके नमन करिन।
