मुख्यमंत्री बिजली बिल भुक्तान समाधान योजना ले उपभोक्ता मन ला बड़े राहत
सुशासन तिहार 2026 के समाधान सिबिर म मुख्यमंत्री विष्णु देव साय ह हितग्राही मन ले करिन सोझ गोठ-बात
रायपुर . सुशासन तिहार 2026 के तहत बलौदाबाजार जिला के करहीबाजार म रखाय समाधान सिबिर म मुख्यमंत्री विस्नु देव साय ह सामिल होइन। ए बेरा म ओमन जुदा-जुदा योजना के हितग्राही मन ले गोठ-बात करके योजना ले मिलत लाभ के जानकारी लीन।
सिबिर म मुख्यमंत्री बिजली बिल भुक्तान समाधान योजना 2026 के तहत कतको उपभोक्ता मन ला बिजली बिल म बड़े राहत दिय गीश। हितग्राही मन ह बताइन के योजना ले ओमन ला आर्थिक राहत मिलिस हे अऊ बाचे बिजली बिल के चिंता ह गजब कम हो गे हे।
बलौदाबाजार जिला के ग्राम बिटकुली के रहने वाला आशाराम ला 11 हजार 625 रूपया, बाबूलाल ला 14 हजार 922 रूपया, जगदीश ला 9 हजार 832 रूपया, बुधयारिन ला 8 हजार 467 रूपया अऊ चोवाराम ला 13 हजार 325 रूपया के छूट मिलिस।
हितग्राही मन ह मुख्यमंत्री ले गोठ-बात के बेरा म बताइन के पहिली बाढ़े हुए बिजली बिल के सेती आर्थिक परेशानी के सामना करना पड़त रीहिस, पर मुख्यमंत्री बिजली बिल भुक्तान समाधान योजना ले ओमन ला बड़े राहत मिलिस हे। ओमन कहिन के अब वे मन बिना कतको बोझ के नियम से बिजली बिल के भुक्तान कर पावत हें।
मुख्यमंत्री विष्णु देव साय ह कहिन के राज सरकार के सुवारथ आम जनता ला राहत पहुंचाना अऊ ओमन के समसिया के मया-दया के संग निपटारा करना आय। ओमन कहिन के सरकार जन-कल्याण के योजना के दुवारा समाज के हर बर्ग तक मदद पहुंचाय बर दिन-रात काम करत हे।
हितग्राही मन ह मुख्यमंत्री अऊ राज सरकार के आभार जतावत कहिन के ए योजना ह आर्थिक रूप ले कमजोर परवार बर बड़े सहारा बनके अगाड़ी आई हे।
हमर व्हाट्सएप चैनल ला सब्सक्राइब करव अऊ मया देवव
Whatsapp –https://whatsapp.com/channel/0029VaPmGTXInlqS2WQAhw1n
YouTube –https://youtube.com/@jayjohar?si=AZDI5zciOCT3Oqhw
Facebook –https://www.facebook.com/share/18GsFBTgfd/
