पकड़वव घूसखोर मन ल अउ ले जावव ढाई लाख

कोरबा। नगर पालिक निगम कोरबा म भ्रष्टाचार पकड़वाए बर 13 पार्षद मन अउ 22 ठेकेदार ह 2 लाख 51 हजार के इनाम दे के घोषणा करिस हे। निगम के नेता प्रतिपक्ष योगेश जैन के कहिना हे कि नगर पालिक निगम कोरबा के भ्रष्टाचार ले सब्बों झन परेशान हवय। जानकारी के अनुसार पार्षद अमरनाथ अग्रवाल ह रिश्वत लेवइया मन पकड़े बर 51 हजार, पार्षद हितानंद ह 51 हजार, विकास अग्रवाल ह 21 हजार, महेन्द्रसिंह चौहान ह 5100, सिमरनजीत कौर ह 11 हजार, अब्दुल रहमान ह 11 हजार, संतोष राय ह 11 हजार, राजा गुप्ता ह 11 हजार, नेता प्रतिपक्ष योगेश जैन ह 17900 रुपए, चंद्रलोक सिंह ह 11 हजार व निगम ठेकेदार मन ह 51 हजार रुपिया देय के घोषणा करिस हे।
गौरतलब हवय कि नगर निगम म विपक्ष भाजपा के संग निर्दलीय पार्षद मन ह भ्रष्टाचार के खिलाफ मुहिम छेड़ेत हुए नवा दांव खेले हे। जेमा कांट्रेक्टर एसोसिएशन के पदाधिकारी मन घलो साथ देवत हे। ईओडब्ल्सू के एसपी ल घलो पत्र लिख के सेमीनार आयोजित करे के मांग करे गेहे।