कवर्धा। आंगनबाड़ी सहायिका अउ कार्यकर्ता मन के प्रदेशव्यापी अनिशिचित्कालीन हड़लाल के दसवां दिन शासन स्तर म इखर मन के मांग मन ल लेके अब तक कोनो निर्णय नइ ले गेहे। इखर हड़ताल म जाए ले आंगनबाड़ी मन म भोजन व्यवस्था प्रभावित होगे हे। आंगनबाड़ी म भोजन व्यवस्था के प्रभावित होए के कारण शासन स्तर म जिला के सब्बों प्रर्दशनकारी कार्यकर्ता व सहायिका मन ल जनपद पंचायत ह कारण बताओ नोटिस थमा दिस हे। कवर्धा म ये प्रदर्शनकारी मन ह अनोखा तरीका ले प्रदर्शन करिस हे। शासन के थमाए नोटिस कापी ल इमन ह चाय बनाए बर आग के हवाले कर दिस अउ चाय पीके शासन-प्रशासन ल चेतावनी दिस हे कि ये नोटिस का चीज हे, नौकरी ले निकाल देबे तभी नइ डरवान। जब तक मांग पूरा नइ होय तक तक ये आंदोलन अनिश्चितकालीन चलही।
