जय जोहार…. (Unlock) राजनांदगांव जिला म लॉकडाउन के आदेश ल निरस्त कर दे गे हे। जिला म काली ले सबो व्यापारिक प्रतिष्ठान ह बिहनिया 6 बजे ले संझा 5 बजे तक खुलही। कोरोना संक्रमण दर म कमी ला देखत हुये कलेक्टर टोपेश्वर वर्मा ह नवा आदेश जारी करे हे। ये फैसला ल जिला म कोरोना पॉजिटिव दर काम होय के सेती ले गे हे।
जिला म शराब दुकान समेत सबो व्यापारिक संस्थान ह काली ले खुलही। जारी आदेश के अनुसार जिला म अनलॉक (Unlock) के दौरान सबो व्यापारिक संस्थान अउ शराब दुकान के संचालन हरेक रोज बिहनिया 6 बजे ले संझा 5 बजे तक करे जा सकत हे, आखर बाद बिहनिया तक सबो गतिविधि बंद रही।
होटल, रेस्टोरेट सिरिफ पार्सल, जोमेटो, स्वीगी अउ दूसर माध्यम ले होम डिलिवरी रात 10 बजे तक होही, (Unlock) पूर्व ले होटल म रूके हुये अतिथि बर डायनिंग सेवा ही दे सकत है, ठेला के माध्यम ले चाय-नाश्ता, गुपचुप, चाट, पान ठेला अउ फास्टफूड के विक्रय करइया व्यवसायी संझा 5 बजे तक पार्सल सुविधा दे सकत हे।
