ब्राज़ील। पूरा दुनिया ला 20 फीसदी ऑक्सीजन देवइया अमेजन के घनघोर जंगल हा बीते कई हफ्ता ले जलत हे। वन्यजीव अउ पेड़-पौधा के 300 करोड़ प्रजाति खुद ला बचाए बर जूझत हें।
दक्षिण अमेरीका के ब्राजील म मौजूद दुनिया के सबसे बड़े बरसा-वन अउ दुनिया के फेफड़ा के नाम ले जेला जाने जाथे वो जंगल के आगी हा बुझे के नाम नई लेवत हे।
बीते दू साल म 100 करोड़ पेड़ आग के चपेट म पहिलीच आ गे हें। ए साल ये जंगल म कई बार आगी लग चुके हे, फेर ए बार जो आग लगे हे वो तबाही के मंजर लाने हे। ए आग ले दक्षिण अमेरीका के 9 देस जूझत हें।
दुनिया भर म लोगन क्रिएटिव पोस्ट बनाके save amazon मुहिम चलावत हें। अमेजन के बरसा वन ला बचाए बर सोसल मीडिया म प्रार्थना करे के अपील घलो करे जात हे। मसहूर वैज्ञानिक रीवेस हा एक बयान जारी करके केहें हें कि इंसान धरती के सबले उन्मादी प्रजाति हे, वो हा अदृश्य भगवान के पूजा करथे, लेकिन आंखी ले दिखइया कुदरत ला बर्बाद करथे।
