Raipur के साइंस कॉलेज मैदान म दिखही छत्तीसगढ़ के विकास के झलक, बस्तर के डोम म विकास गाथा के संग धार्मिक परम्परा घलो देखे ल मिलही

जय जोहार…. (Raipur) छत्तीसगढ़ सरकार ह अपन जनकल्याणकारी योजना के कड़ी म एक ठीन अउ महत्वपूर्ण योजना ल अवइया 3 फरवरी के सुरु करे ल जावत हे। ग्रामीण मजदूर वर्ग बर लॉन्च करे जावत ए योजना ल ‘‘राजीव गांधी भूमिहीन कृषि मजदूर न्याय योजना’’ नाव दे गेहे । एखर सुभारंभ सांसद राहुल गांधी के मुख्य आतिथ्य म राजधानी रईपुर के साइंस कॉलेज मैदान म आयोजित समारोह जाही ।

एखर संगेसंग ‘‘राजीव मितान क्लब योजना’’ के तहत रासि के आवंटन करे जाही । उहें वर्धा के तर्ज म नवा रईपुर म बनइया सेवा ग्राम के आधारशिला रखे जाही। (Raipur) ए समारोह बर तैयारी ह जोर-शोर ले चलत हे। ए पूरा आयोजन के दउरान साइंस कॉलेज मैदान म आने आने स्टॉल म छत्तीसगढ़ के विकास के झलक देखे ल मिलही ।

गौरतलब ही कि छत्तीसगढ़ म नवा सरकार के गठन के बाद ‘‘न्याय रू सब्बो बर-सब्बो डहर’’ के ध्येय ल लेके काम सुरु करे गेहे। राज्य सरकार ह सबले पहला किसान मन बर न्याय के योजना ‘‘राजीव गांधी किसान न्याय योजना’’ लेके आइन, जेखर ले किसान मन ल ओखर लागत के उचित कीमत मिले। (Raipur) ‘राजीव गांधी किसान न्याय योजना’ ले किसान मन ल फसल विविधीकरण, उत्पादन अउ उत्पादकता ल बढ़ाय बर आदान सहायता (इनपुट सब्सिडी) के रूप म बड़का धनरासि दे जावत हे ।

उहें ‘गोधन न्याय योजना’ लागू कर राज्य सरकार ह गौपालक, किसान मन ले दो रुपिया प्रति किलो के दर ले गोबर के खरीदी कर ओमन ल सीधा लाभ देवत हे। ए योजना म खरीदे गोबर ले गौठान म वर्मी कम्पोस्ट अउ सुपर कम्पोस्ट उत्पाद बनाय जावत हे, जेखर ले जैविक कृषि ल बढ़ावा दे के दिसा म काम होवत हे। अब ‘न्याय’ के कड़ी म अब ग्रामीण भूमिहीन कृषि मजदूर परिवार बर ‘न्याय’ मिले ल जावत हे, जेखर ले ग्रामीण भूमिहीन कृषि मजदूर परिवार ल हरेक बच्छर 6 हजार रुपिया के आर्थिक मदद राज्य सरकार डहार ले दे जाही ।