सीतापुर बन परिक्षेत्र म 25 जंगली हाथी के दल दिखिस

 अम्बिकापुर।सरगुजा जिला के सीतापुर बन परिक्षेत्र म रतिहा लगभग 25 जंगली हाथी के दल दिखिस। जउन ह इलाका म लगे कुसियार अऊ पताल के फसल ल बर्बाद कर दिस हे। हाथी मन के आए के सूचना के बाद बन बिभाग ह अलर्ट जारी कर दे हे। संग ही ग्रामीन मन ल जंगल तीर झन जाए के सलाह घलो दिस हे। बता दन कि हाथी के ये दल बतौली के ग्राम सलियाडीह अऊ बांसाझाल के तीर पहुंच गए हे। उहें ललितपुर के जंगल म एक जंगली हाथी अकेल्ला देखे गिस। हाथी मन के दस्तक ले ये इलाका म दहसत के माहौल हे।