पेंड्रा. खबर पढ़े म एक बेर यकीन नई हो ही के, एक मां जे ह नउ महिना तक पेट पर पालिस, उहीं बच्ची ल फंदा म लटका के खुद मर जाही, लेकिन ये घटना सच्ची हे. ये दिल दहला देवइया घटना पेंड्रा थाना क्षेत्र के हे. एक निरमोही मां ह अपन चार साल के बच्ची ल पहिली फांसी म लटका के निर्मम हत्या कर दीस. येखर बाद खुद फंदा म झूल गिस. मरे ले पहिली कोई सुसाइड नोट घलो नई छोड़िस. जेखर चलत आत्महत्या के कारन पता नई चलीस.
ये मामला पेंड्रा थान क्षेत्र के पनकोटा गांव केहे, जिहां मानकुंवर बाई अउ उंखर 4 साल के बेटी के लाश रविवार के उंखर ही घर म फांसी के फंदा म लटकत मिलिस. अउ दिन के जइसे मानकुंवर के पति अउ ससुर आज घलो मनरेगा के मजदूरी करे बर गे रहिन हे. अउ जब उमन वापिस आइन त घर के दरवाजा खुले हुए रिहिस हे. जब पति अउ ससुर घर के अंदर जा के देखिन त मानकुंवर अउ ओखर 4 साल के बच्ची के लाश फांसी के फंदा म झूलत रिहिस हे. जेखर बाद दूनों ह तत्काल घटना के सूचना मोहल्ला के लोग मन के संग पेंड्रा पुलिस ल दीन.
सूचना म मउका म पहुंचिस, पुलिस ह मामला म पंचनामा कार्यवाही कर शव ल फंदा ले नीचे उतारिस अउ मृतका के मायका पक्ष के लोग मन ल सूचना दीस.. पुलिस के कहिना हे के महिला ह पहिली बच्ची ल फांसी म लटका के उंखर हत्या करिस, फेर उहीं रस्सी के दूसर कोती ले खुद ल फांसी लगाके खुदकशीं कर लीस. अतना बड़का कदम उठाए के पीछू का कारन रिहिस . ये स्पस्ट नई हो पाई हे. ना ही महिला ह कउनो सुसाइड नोट लिखे हे.
Other Articles
