बिलासपुर . जिला अस्पताल म एक बार फोर इंसानियत ल शर्मसार करइया मामला सामने आइस हे. जिला अस्पताल परिसर म मातृ शिशु भवन म एक गर्भवती महिला के डॉक्टर ह प्रसव के बदला पइसा मांगे के मामला सामने आइस हे. अस्पताल प्रशासन ह अब ए मामला म जांच कमेटी बनाइस हे. जे आघू के तीन दिन म अपन रिपोर्ट पेश करही.
दरअसल, स्थानीय नूतन चउक निवासी महिला लक्ष्मीन श्रीवास बीते शनिवार के जिला अस्पताल म मातृ शिशु वार्ड म भर्ती होइस, जेखर बाद उंखर प्रसव होवइया रहिस. पीड़ित महिला के आरोप हे के बीते शनिवार के जिला अस्पताल के डॉ. सीएम तिवारी ह प्रसव के एवज म ओकर ले 20 हजार रुपिया के मांग करिन.
आधी रात म करिस सिम्स रेफर
पीड़िता ह बताइस के, पइसा नई दे म ओला आधी रात म ही सिम्स अस्पताल रेफर कर देय गिस. महिला अउ उंखर पति जिला अस्पताल के रवैया ले डर के सिम्स के बदला म निजी अस्पताल पहुंचिन, जिहां सुरक्षित प्रसव होइस.
बनिस तीन सदस्यीय कमेटी
जिला अस्पताल प्रबंधन ह मामला ल ले के एक महत्वपूर्ण बइठक लीस अउ एखर जांच बर तीन सदस्यीय कमेटी बनाइस हे. जे तीन दिन म अपन रिपोर्ट पेश करही. एखर पहिली घलो जिला अस्पताल म पइसा के बदला काम कराए के कतको मामला सामने आए हे, लेकिन जांच के नाम म सिरिफ खानापूर्ति होइस हे.
Other Articles
